Egitaraua

Aurkezpen gutuna

Esku artean duzun liburu honek, Donostiako Arantzazuko Ama Ospitalean 199lko apirilaren 19 eta 20an ospatu ziren Ihardunaldietako hitzaldien mamia biltzen du.

Ihardunaldi horiek Osasungoa Euskalduntzeko Erakundeak antolatu zituen Eusko Jaurlaritzako Osasun-Saila, Hizkuntz  Politikarako  Idazkaritza Nagusia, Donostia/Gipuzkoako Kutxa eta Donostiako Arantzazuko Ama Ospitalearen laguntzarekin.

OEEren 1. Ihardunaldi Mediko hauen gai orokor bezala Minbizia aukeratu zen; gure eguneroko bizitzan garrantzi handia duen gaia, hain zuzen. Eta aurkibidean ikusi ahal izango duzunez, hiru bloketan egituratu dira Ihardunaldiak. Hauek dira hiru blokeak:

a)     Epidermiologia
b)     Klinika
c)     Tratamendua

Osasungoa Euskalduntzeko Erakundeak atseginez ematen du argitara liburu hau, hainbat lagunek egindako lanaren aitormen eta testigantza gisa, gure hizkuntza zaharrarentzat bizkorgarri eta eragingarri izango den itxaropenez. Izango al dute Ihardunaldi hauek jarraipenik etorkizunean!.

Batzorde Antolatzailea