OEE, hau da, Osasungoa Euskalduntzeko Erakundea orain bi hamarkada sortutako erakundea da eta bere izenak berak adierazten duen moduan, euskara osasun-arloan sustatu eta bultzatu nahi duen elkartea da osasun alorrean Euskara normalizatzen lagunduz.

Elkartearen helburuak honako hauek dira:

• Euskararen erabilera sustatzea (irakaskuntzan, heziketan, eta lan-zentroetan)
• Euskararen erabilera bultzatu eta indartzea osasun-arloko profesionalen artean
• Osasunari buruzko euskaraz idatzitako aldizkari eta argitalpenen sorrera sustatzea

Elkarteari buruzko gaur egungo datu nagusiak:

Elkarteak 300 bazkidetik gora dauzka eta ezaguna da, batik bat, urtero antolatzen ditugun jardunaldiengatik.

Jardunaldietan hainbat ekintza burutzen dira: hitzaldiak, tailerrak, eztabaidak, poster-erakusketak… Urtero osasun biltzarra egiten da eta, biltzarrei esker, material asko sortu da gure lanean euskaraz jarduteko.

Baina biltzarrez gain elkarteak ekimen gehiago bultzatzen ditu. Esaterako, bi urterik behin Agote saria antolatzen du, osasunarekin lotutako hainbat ikasgaitan euskarazko testuen sormena eta argitalpena bultzatzeko, edo bertso-saio klinikoak, modu ludikoan pazienteen historia klinikoak aztertzeko.

OEEberri: 2011an sortutako osasunari eta euskarari buruzko hileroko berripapera, osasun-alorreko profesionalei informazio interesgarria eskaintzeko.

Webgune berria: 2012ko apirirean martxan jarritakoa. Bertan, besteak beste, jardunaldietan eta Agote sarian argitaratutako materiala eskuragarri izango da fondo dokumental zabal batean. Horrez gain, bazkideen arteko harremanak bultzatzeko aukera eskainiko da eta beste zenbait aukera eta eduki.

Osasun Hiztegia: Gipuzkoako Mediku Elkargoarekin batera laster ikusgai egongo da.

Euskarazko prestakuntza: Ikastaroak ematen dituzten erakundeei (Osakidetza…) euskaraz irakasteko prest dauden profesionalen eskaintza egiten hasiko gara.

Laburbilduz esan genezake OOEn ikerketa eta prestakuntzari garrantzia ematen diogula, batez ere osasun-arloko profesionalok gure lanean euskaraz normaltasunez aritzeko.

OEEk gure lanbidean euskararen normalizatzeko egindako lana, gaur egungo antzeko sektore profesionalentzat erreferentzia da. Izan ere, OEEk ohiko elkargoen egituretatik haratago heldu da lurraldez gaindiko egitura bat sortuz.

Azken Berriak

Nola aldatzen da gure hizkuntza zahartzen goazela?

Euskaraz hitz egiteak eta hizkuntza bat baino gehiago jakiteak ba ote du eraginik zahartzaroan? Eman izena EHUk antolatutako ikerktea honetan.  60 urtetik gorako euskaldunak bilatzen ari dira, ama hizkuntza euskara edo gaztelania izanik. Proba ko...

INGUMA datu-basea, 25 urtez euskal komunitate zientifikoaren ispilu

Orain dela 25 urte, Udako Euskal Unibertsitateak Bizkaiko Foru Aldundiaren laguntzaz Inguma datu-basea abiatu zuen. Urte hauetan, unibertsitate mailako zientzia eta jakintza-alor bakoitzean euskaraz ahoz eta idatziz ekoitzi denari buruzko oinarrizko inf...

Berri +