AURREZ AURREKO SAIOA EUSKARAZ

Azaroak 18, asteazkena, 18:00etatik 19:00etara 

Nola hobetu dezakegu gaixotasun kronikoak dituzten pertsonen arreta, garrantzitsuena ahaztu gabe: haien beharrak, ongizatea eta komunikatzeko modua? 

COMGI Fundazioak eta Osasungoa Euskalduntzeko Erakundeak Gaixotasun kronikoen maneiua barne medikuntzako eguneko ospitalean saioa antolatu dute, Donostialdeko ESIan gaixotasun kronikoak dituzten pertsonei arreta emateko ereduan sakontzeko, Amara Eraikineko Eguneko Ospitalearen funtzionamendua ezagutarazteko eta eremu sanitarioan euskararen erabilera sustatzeko. 

Gaixotasun kronikoen arreta da egungo osasun-sistemaren erronka nagusietako bat, bai arreta jarraitua eta paziente bakoitzaren premietara egokitua eskaintzeko beharragatik, bai haien bizi-kalitatea hobetzearen garrantziagatik eta profesionalen eta asistentzia-mailen arteko arreta koordinatua bultzatzeagatik. 

Testuinguru horretan, saioak aukera emango du Donostialdeko ESIko gaixotasun kronikoak dituzten pazienteei arreta emateko programa, haren bilakaera eta etorkizunerako aurreikuspenak xehetasun handiagoz ezagutzeko. Era berean, Amara Eraikineko Eguneko Ospitalearen eguneroko jarduerari helduko zaio. Paziente horiek artatzera bideratutako asistentzia-baliabidea da, eta osasun-taldearen koordinazioa eta banakako jarraipena funtsezkoak dira. 

Jardunaldiak, halaber, profesional sanitarioen eta pazienteen arteko komunikazioaren garrantzia nabarmendu nahi du, arreta hurbilagoa, eskuragarriagoa eta artatutako pertsonen hizkuntza-lehentasunetara egokitua eskaintzeko euskararen erabilera nabarmenduz. Gainera, profesional sanitarioen artean euskararen ohiko erabilera bultzatu nahi du, eta laguntza-ingurunean normalizatzen lagundu. 

Hizlariak 

Donostialdeko ESIko bi profesionalek parte hartuko dute saioan, eta gaixotasun kronikoen arretari buruzko ikuspegi osagarriak eskainiko dituzte: 

• Uxue Errasti Amiano, Donostia Ospitaleko Barne Medikuntzako Zerbitzuburua. 
• Mireia Segurola Gorostidi, Amara Eraikineko Eguneko Ospitaleko erizaina. 

Metodologia

Prestakuntza modalitate presentzialean egingo da, COMGI Urumea Auditorioan.  

Azaroak 18, asteazkena, 18:00etatik 19:00etara 

Egitaraua bi zatitan banatuko da: 

• Gaixotasun kronikoak dituzten gaixoen arreta, nondik gatoz eta norantz goaz. Uxue Errasti Amiano. 
• Amarako Eguneko Ospitaleko egunerokoa. Mireia Segurola Gorostidi.