Azken aldian egin ez badira ere, aurten berriro jarri dira abian Bizkaiko bertso-saio klinikoak. Azaroaren 30ean, Bilboko Zazpi Kaleetako Burtsa eraikinean 28 bat lagun elkartu ginen. Bertsolariek azaltzen zituzten sintomak kontuan hartuz, parte hartzaileok zein gaixotasun ote zen asmatuz primeran pasatu genuen.  Hasieran 9 bikote baziren ere, kanporatu ahala, finalera bi heldu ziren. Irabazleek fonendoskopio bana irabazi zuten eta bigarrenek maillot bana.

Egun berezia izan zen ostiral hori, Zazpi Kaleetan Gaztetxeko trikitilarien musikaz gozatzeaz gain, Bilbo Kantari taldeko abestiek ere zipriztindu zutelako kaleko freskotasuna. Amaieran afaria egon zen giro ezin hobean.