Adiskideok:

Urtero bezala, osasungintzan aritzen garen euskaldunok beste urrats bat ematen dugu, gure XIV. Osasun  jardunaldia hastera baitoa.

Aurreko jardunaldien maila berdintzea ez da lan erraza, eta gure esperientzia urria da. Horregatik, Lekeitioko talde honek ahalegin handiak egin behar izan ditu helburu horretara iristeko.

Aukeratu dugun gaia, “ALERGIA”, medikuntzaren alor askotara lotuta dago, alergologoek, dermatologoek, pneumologoek, pediatrek eta famili medikuek eguneroko lanean aurre egin behar diogun arazoa baita. Hau da, jatorriz gaixotasun alergikoek immunologikoki antzekoak badira ere, agerian sindrome edo sintoma oso ezberdinak erakutsiko dituzte, kaltetuak suertatzen diren organoen arabera: asma, errinitis alergikoa, azaleko alergiak...

Jakin badakigu alergia prebalentzia handiko gaixotasuna dela eta urtetik urtera gehitzen doala. Badira genetikoki errazago gaixotzeko gai diren pertsonak baina badirudi gure bizimodu berriak eta kanpoko eragileen garrantzia ezinbestekoak bihurtu direla azken urteotako gorakada hau azaltzeko orduan. Oraindik guzti honen zergatia ez bada guztiz ezagutzen ere, tratamenduan eta prebentzioan bide berriak zabaltzen hasi dira. Gure jardunaldietan gai honen guztiaren zehaztasunak eta berrikuntzak ager daitezen ahalegindu gara.