21. Osasun Jardunaldiak: Ikerkuntza: ezagutzatik ekintzara
Urgentzietako zerbitzuetan biriketako enbolismoaren probabilitate klinikoa iragartzeko eskala baten garapena
Egileak: Eunate Arana Arri, N. Lekerika Royo, L. Lopez Roldan, Lorea Martinez Indart, J.I. Pijoan Zubizarreta
Gurutzetako Ospitalea - Epidemiologia Klinikorako Unitatea
Sarrera
Biriketako Tronboenbolismoa (BTE) urgentzia kardiobaskularra nahiko arrunta da gaur egun. Urtero Europar Erkidegoan 20.000 paziente BTEgatik hiltzen direla kalkulatzen da eta Estatu Batuetan antzeko datuak argitarazten dira. Gure inguruko urgentzietako zerbitzuetan garrantzitsuena atentzio arrazoia da bere morbilitate eta konplikazioak direla eta. probabilitatea iragartzeko erabiltzen diren eskalak testuinguruaren arabera aldakorrak izan daitezkeela gauza jakina da. Horregatik, eskala hauei lotuta dauden aldagaiak, estrapolagarriak zaizkio biztanleria arruntari, baina hauetariko batzuk pertsonaren araberakoak izan daitezke.Helburuak
Gure inguruan BETekin erlazionatuta dauden aldagaiak identifikatzen saiatu gara eta hauetan oinarrituta, urgentzietako zerbitzuetan ikusten diren BET susmoarekin datozen pazienteak estratifikatzeko diagnostiko eta pronostikorako eredu xume bat garatzen saiatu gara. Modu honen bidez, behar ez diren froga diagnostikoak gutxitzeko, tratamenduaren kalitate eta segurtasuna ziurtatzea.Metodoak
Urgentzietan kontsekutiboki BET susmoarekin ingresatutako 637 pazienteren datu base baten analisia, non BETen diagnostikoa, algoritmo diagnostiko estandar baten bidez sartu edo baztertzen zen. Aldagaien analisi deskriptiboa eta aldagai biko analisia garatu zen, BET menpeko aldagai moduan hartuta. Aldagai anitzeko analisia erabili izan zen aurresateko BETekin erlazionatutako parametro klinikoak, esaterako: adina, sexua, erlazionatutako sintoma eta zeinu klinikoak, arrisku faktoreak, erlazionaturiko gaixotasunak, laborategia, erradiografia eta elektrokardiogramako emaitzak.Emaitzak
637 susmoen artean 96 (,07) BET diagnostikatu ziren. 75 aldagai neurtu ziren, odol analisiaren parametroak barne. Gure azkeneko ereduak 6 aldagai aurkitu zituen erlazionatuta: aurretiko gaixotasun tronboenbolikoa (O.R.= 5,43; %95 KT= 5,37-5,49); batez besteko tentsio arteriala, normotentsio-hipotentsio (O.R.= 0,162; %95 KT= 0,160-0,163) eta hipertentsio-hipotentsio (O.R.= 0,07; %95 KT= 0,106-0,108); hiponatremia (O.R.= 17,03; %95 KT= 16,82-17,23); S1Q3T3 (O.R.= 64,05; %95 KT= 62,85-65,27); troponina positiboa (O.R.= 4,53; %95 KT= 4,50-4,55) eta pCO2 (O.R.= 0,345; %95 KT= 0,342-0,347). ROC kurbaren azpiko azalera 0,65koa izan zen (%95 KT=0,77-0,92). Gure emaitzen arabera ez zen beste aldagairik esanguratsuki BETekin erlazionatuta aurkitu.Ondorioak
Oso garrantzitsuak dira urgentzietako zerbitzuetan pazienteen sailkapena larritasunaren arabera egiteko diagnostiko araudiak, ospitaleratzeak gutxitzeko. Gure emaitzetan ikusten dugu nola orain arte erabilitako eskala klasikoetan sartutako aldagai ezberdinak erlazionatuta dauden BET diagnostikoarekin. Beraz, iradokitzen dugu orain arte erabilitako eskalak balioztatu egin behar direla inguru bakoitzean eta ikerketa berriak egin beharko liratekeela eskala berriak barneratzeko, inguru bakoitzean.Azken Berriak
Aitor Montes (familia-medikua): "Ur txikitan adimen urriak"
Esan ohi da gizakia dela harri berarekin behaztopatzen den izaki bizidun bakarra, hau da, ikasten ez omen duen bakarra. Jakinda beste animalia guztiak baino askoz urrunago joan garela, mundua gure neurrira aldatzerainokoan. Ikasi, ikasi egiten dugu; ez ...
Urriaren 22rako asteazken kulturala antolatu du FEUSEk
FEUSE Farmazialari Euskaldunen Elkarteak Asteazken Kulturala jardunaldia egingo du urriaren 22an, EHUko Farmazia Fakultatean, Gasteizen. Oraingo honetan, elkartea bera izango da eguneko protagonista, eta ikasle zein osasun-profesionalen interesa pizteko...
