Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

21. Osasun Jardunaldiak: Ikerkuntza: ezagutzatik ekintzara

Infartu akutuak sortutako depresioan bihotz-errehabilitazioak duen eragina

Egileak: Ikerne Uria Uranga, Maitane Bergaretxe Bengoetxea, Maialen Echepetelecu Hernando, Goiatz Etxabe Unanue, Alazne Iribarren Martin

Donostia Ospitalea - Zainketa Intentsiboetako Unitatea


Sarrera

Bihotz-sindrome akutuaren ostean depresioa ohikoa izaten da eta pronostikoari eragiten dio. Bihotz-errehabilitazioko esku-hartze psikosozialak arrisku-faktoreei mesede egiten die. Besteak beste, depresioari.

Helburuak

Bihotzeko infartu akutua izan duten gaixoen depresio maila konparatu, prebentzio eta bihotz-errehabilitazioko programan parte hartu dutenen eta ez dutenen artean. Emaitzak adin-taldearen, sexuaren eta denboraren arabera bereizi.

Metodoak

Kohorte motatako ikerketa. Aukeraketarako irizpideak: galdesortaren aurreko 2 egunetan bihotzeko infartu akutua edukitzea; 2010eko martxoa eta apirila bitarte zainketa intentsiboetan ≥ 24 orduz egotea; 18 eta 70 urte bitarteko adina; alfabetizatua; infartu aurreko aldian depresio edo/eta gaixotasun psikiatrikorik ez izatea. Aldagai soziodemografikoak, klinikoak eta The Beck Depression Inventory Second Edition galdesorta aztertu dira. Aldagai kualitatiboak maiztasun absolutu eta ehunekotan adieraziak eta χ2 edo Fisher-en bidez konparatuak. Aldagai kuantitatiboak batez besteko desbiderapen gisa adierazi eta Mann-Whitney-ren U-aren bidez konparatuak. Analisia: PASW Statistics 18 bertsioa.

Emaitzak

14 gaixo hartu ziren kontuan. Horien batez besteko adina 58,3±9,6 urtetakoa, %85,7 gizonezkoa, %78,6 erretzailea, %42,9 hipertentsoa eta depresioaren galdesortan guztira ateratako puntuak 14,7±12 izan ziren. Bihotz-errehabilitazioaren programan parte hartu zuten gaixoak nagusiagoak (61±9,2 vs. 54±10,8) ziren, pisuan alde txikiagoa zuten (1,7±1,7 vs. 2,7±2,6), haserako galdesortan puntuazio altuagoa (14,2±8,9 vs. 10±10,5) eta baita bukaerakoan ere (12,2±9 vs. 7,8±9,5), guztiak p>0,05 izanik.

Ondorioak

1.- Ikerketaren aurretiazko emaitzek infartua duten gaixoen artean depresioa badagoela adierazi zuten, bai haserako aldietan baita ondorengoetan ere. 2.- Ez dira estatistikoki emaitza esanguratsuak topatu, ez lagin aske gisa ezta erlazionaturiko gisa ere. 3.- Lagin aukeraketa handiagoak proba parametrikoak ahalbidetuko lituzke, modu honetara, estatistikoki esanguratsuak diren emaitzak lortzea erraztuz.

Azken Berriak

Osakidetzak gazteleraz eskaintzen dizkie saioak Gasteizko Zabalgana auzoko D ereduko haurrei, eta bi ikastetxek uko egin diote zerbitzuari
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikast...
Osasunari buruzko udako ikastaroak
EHUk datozen hilabeteetarako ikastaro asko antolatu ditu Udako Ikastaroen barruan. Osasun alorrari buruzko zenbait ikastaro dago eta horien artean, euskarazko batzuk baditugu: Fentaniloa, mendekotasuna eta gizartea. Organu emailetza, biziak s...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan