27. Osasun Biltzarra 2017: Aniztasuna osasunean
4.10 Sexismoa, sexu osasunerako lakra bat: Ikuspegi feminista babes faktore gisa
Egileak: Eider Goiburu Moreno, Silvia Ubillos Landa
0
Sarrera
Ikuspegi feminista batetik, sexu-prebentzio programek mugak aurkitu dituzte hauen eraginkortasunean. Hein batean, gaur egungo sexu-heziketa programek gizarte sexista bateko arau sozialak erreproduzitzeko joera baitute.
Helburuak
Ikerketa honekin bi helburu nagusi betetzen dira:
1.- Sexismoak sexu-heziketa programetan duen eraginkortasuna aztertu.
2.- Sexismo-maila jaistean sexu-prebentzio programen eraginkortasuna gehitu den egiaztatu.
Metodoak
Lagina: 15-17 urte bitarteko 340 nerabe.
Metodoa: Talde-kontrolik gabeko diseinu esperimentala.
Instrumentuak:
a) Datu soziodemografikoak
b) Sexu-prebentzioari buruzko galdesortak: Sexu-jokabideak, auto-eraginkortasun- eta kontrol-hautematea, planifikatu gabeko haurdunaldi eta HIESarekiko arrisku-hautematea eta sexu-prebentzioari buruzko ezagutzak.
c) Sexismoa: Sexismo anbibalentearen galdesorta, Emakume eta Indarkeriaren inguruko pentsamendu distortsionatuen galdesorta, Sexu estandar bikoitza.
Emaitzak
1.- Sexismoak eragin negatiboa du sexu-prebentzio programen eraginkortasunean.
2.- Sexismoaren maila jaisteko saioek eragin positiboa dute programen eraginkortasunean.
Ondorioak
Ezinbestekoa da sexismo-maila gutxitzeko saioak txertatzea sexu-prebentzio programetan hauen eraginkortasuna handitzeko.
Proposamena: Sexu-prebentzio programa feministak.
Azken Berriak
Euskara zu zara
Aitor Montes (familia-medikua): "Ur txikitan adimen urriak"
