Irabazlea: Amaia Muñoz Lopetegi eta Maite Martinez Zabaleta

Iktusa

Iktusa garrantzi epidemiologiko handia duen gaitza da, hilkortasun eta ezintasun kausa nagusien artean kokatzen baita. Bizi-itxaropena handitu eta gizartea zahartzearekin batera, gainera, hazten ari da gaitz honen prebalentzia.

Iktusaren eboluzioa, baina, ez da alor epidemiologikora mugatzen, gaitz honen maneiua zeharo aldatu baita azken hamarkadotan, honekin batera pronostikoa hobetuz. Hasierako kapituluek egitura klasikoago bat jarraitzen duten arren (iktusaren kontzeptua, fisiopatologiaren araberako sailkapena, kaltetutako eremuaren araberako aurkezpen kliniko ezberdinak, diagnostiko bereizlearen nondik norakoak, etab.), ikuspegi gaurkotua aurkeztu nahi izan dugu tratamendua eta pazienteen maneiu orokorrari dagokionean, aro berri honek ekarri dituen aldaketak nabarmenduz: osasun-zerbitzuen antolakuntza modu eraginkorragoak (iktus-kodea, iktus unitateak), errebaskularizazio teknikak (fibrinolisia zein hodi-barneko teknikak), diagnostikoa zehazten lagundu duten irudi-proba berriak (angio-OTA, perfusio-OTA), errehabilitazioaren garrantzia, bigarren mailako prebentzioaren papera, etab. Tarte bat utzi dugu, gainera, etorkizun hurbilean eskuartean izatea espero genezakeen bestelako baliabideak aipatzeko. Iktus mota bakoitzaren tratamendu espezifikoa ere landu dugu amaitzeko.

Lana Medikuntzako unibertsitate ikasketak euskaraz burutzen ari diren ikasleei dago bereziki zuzendua. Hartara, ulerterraza eta praktikoa izan dadin bilatu dugu. Testuan aipatutakoa osatu asmoz, irudi, taula eta laburpenak gehitu ditugu, baita informazioaren iturrira jotzeko erreferentzia bibliografikoak ere. 

Azken Berriak

Euskaraz lan egiteko eta artatuak izateko eskubidearen alde mobilizatu dira administrazioko langileak

Iruñean asteartean egin dute kontzentrazioa, Donostian, Bilbon eta Gasteizen astelehenean, ELA, LAB eta Steilas sindikatuek deituta. “Berme juridikoak” exijitu dituzte. Astearte arratsalderako mobilizazio berria deitu dute Donostian, ...

Itzulbide Donostialdeko ESIn jarri da pilotaje fasean

Osatuberrin Itzulbide aplikazioari buruzko informazioa eman digute Sara Lizeagaren eskutik: Sara Lizeaga Osakidetzako traumatologoa da Donostiako Unibertsitate Ospitalean, eta hasieratik aritu da boluntario Itzulbide proiektuan. Testu klinikoetan espe...

Berri +