Bilbo Hiria irratiak saio berezia eskaini zien joan den astean EHUn egin ziren Osasuna eta Hizkuntza jardunaldiei. Zuzeneko jarraipen batean, osasun-arloan hizkuntzak sortzen dituen erronkei buruzko jardunaldiotako parte-hartzaileak elkarrizketatu zituen. Euren webgunean dauzkagu eskuragarri bi egunetako elkarrizketak, hemen, lehenengo egunekoak; hemen, berriz, bigarrenekoak.

Gaiak anitzak izan dira. Lehen egunean, euskararen egoera Osakidetzan eta Osasunbidean eta erabilera handitzeko praktika egokiak, pazienteak hautemandako emaitzen neurketak Euskal Herrian, lan munduan euskararen erabileraren aktibazioa eta OSAGAIZ aldizkaria izan ziren hizpide.

Bigarrenean, berriz, arreta-zirkuito elebidunen eragina, osasun mentala eta hizkuntzaren arteko lotura, Nazioarteko elkarlanerako aukera eta estandarrak, Beasainen egindako “Hitz egin” esperientzia, euskarazko irakaskuntzaren bikaintasuna sustatzeko “Aitzinatu” programa eta BAME Barne Mediku Egoiliarrek euskarazko formakuntza jasotzeko ikusten dituzten trabak.

Hizlariek eurek kontatuko dizuete dena Bilbo Hiria irratiko elkarrizketetan!

@bilbohiria