Ekainaren 3an eta 4an Gasteizko Biltzar Etxean egindako XXI. Osasun jardunaldiek arrakasta handia izan dute, 150 lagun inguru izan ginelarik, nahiz eta gaia zenbaitzuentzat urrun egon: ikerkuntza.

Mahai-inguruetan parte hartu zuten hizlariek ederki erakutsi zuten euren alor horretan egiten ari diren aurrerakuntzak eta eguneroko lanean zer eragin duten eta etorkizunean izango dutena. Ahozko komunikazioak (19) eta poster kopurua ere (37) beste urtetan bezainbestekoa izatea ere esanguratsua izan da. Tailer biak ere bete egin ziren, 20 lagunekin.

Amaierako hitzaldian ere literatura eta osasun-mundua lotuz hitzaldi ederra eman zigun Patxi Zubizarretak. Eta, nola ez, ondo pasatzeko aukera ere egon zen, afarian parte hartu zuten 40 lagunek kontatu ahal dizuten moduan. Bertan urte luzetan gure lehendakaria izan den Jabier Agirreri eta Araban ere historikoa izan den Ramon Arrizabalagari oparitutako txapel handi banarekin amaitu genuen.