Osakidetzak euskarari erabakitzeko ahalmena jaitsi nahi dio hurrengo lanpostu-eskaintza publikoan, azterketari, lehen ematen zitzaion erabakimena itzuliz. Horrela, azterketak, benetan eta ez itxuraz, oposizioen erdia balioko du, merezimenduen kaltetan. Euskarak, merezimenduen barruan, % 20 balio izaten du. Alabaina, kaltetuena ez da euskara izango, esperientzia profesionala eta prestakuntza osagarria baizik.

Osasun Sailburuak beti aldarrikatu du prestakuntza osagarriak eta, batez ere, esperientzia direla langilerik egokienak aukeratzeko irizpideak. Baina esperientzia profesionala eta prestakuntza iraunkorra ahuldu ditu eta esperientziadun langileak aterako dira galtzaile, batez ere adinez aurreratuenak, paradoxikoki, normalean, hizkuntza-eskakizunak egiaztatzeko arazo gehien dutenak.

Eta lan-mundura datozen belaunaldi berriei, berriz, mesede eskasa egingo zaie, azterketaren erruletara itzultzeak ziurtasun-eza handitzen baitu, gure garaiaren gaitzik handienetariko bat dena.-> Informazio gehiago