“Hizkuntz politikak osasungintzan” lemapean azaroaren 19an egingo dira, Eibarko Markeskoa Jauregian, goizez. Topaketen helburua OEEkideek osasungintzako arlo guztietako hizkuntza-politikak aztertzea da, euskararen erabilera eta euskarazko produkzioa bultzatuz.

Eguna gonbidatutako hizlariekin hasiko da. Honela, Paul Bilbaok euskal osasungintzako legalitate ezberdinak aztertuko ditu, Adrian Hugo Llorentek osasun-ikasketako euskararen egoeraz hitz egingo du, Roberto Manjonek osasun publikoetako hizkuntza-politikak aztertuko ditu eta Paula Casaresek Behatokiaren salaketez egingo du hitz.

Horrekin batera, parte hartzaileek ere haien proposamenak aurkez ditzakete. Horretarako komunikazioak 2011ko azaroaren 10a baino lehen bidali behar dira, dagozkien laburpenekin, onartuak izan daitezen. Topaketak mahai-inguruarekin bukatuko dira. Bertan egunean zehar jasotako informazioa eztabaidatuko da.

Ekimen hau osasun-arloko langile, bezero eta profesionalei zein sindikatu eta alderdi politikoei zuzentzen zaie eta bertan OEEkideen arteko harremanak bultzatzea bilatzen da.

OEE sortu zenetik 22 urte pasatu direnean, lehendabiziko aldiz Osasun Administrazioen euskararen osasunari buruzko ekimen hau antolatu dugu eta aurrerantzean, 3 urterik behin egiteko asmoa dago.

Komunikazioak aurkezteko: OEEren Idazkaritza, oeejardunaldiak@iberba.ws, 944 042 720