Abenduaren 3an, nekazalturismo batean asteburu bateko egonaldi bat zozketatuko dugu bazkideon artean. Gainera, irabazleak aukera izango du nekazal turismoa aukeratzeko. Bete beharko dituen baldintzak honako hauek izango direlarik: denboraldi arruntean asteburua (2 gau) 120€tik beherako prezioa izatea. Irabazlea aukeratzeko honela egingo dugu: egun horretako Berria egunkariko Hitz jokoak atalean, Sudokuan agertzen den lehenengo errenkadako laukietan aldez aurretik idatzita dauden zenbakien baturen eskuineko zenbakiekin osatuko da zenbaki irabazlea. Adibidez, 3+5+5= 13, 1+5+8=14 eta 4+1+2=07 hau da, irabazlea 347 bazkide-zenbakia duena izango da. Aterako den zenbakia bazkide-kopurua baino handiagoa bada, hurrengo laukitik hasiko da egiten.

Bazkideen zerrenda eguneratua OEEko zuzendaritzaren esku dago, bazkide bakoitzari dagokion zenbakiarekin.

Bestetik, abenduaren hasieran aurtengo kuota bankutik pasatuko dela ere jakinarazi nahi dizuegu. Baten batek kontua aldatu badu, mesedez, aste honetan kontu berria eman. Mila esker.