Osakidetzako hainbat tokitan hasi dira profesional eta zerbitzu elebidunen identifikazio sistema martxan jartzen, esaterako, Donostia Unibertsitate Ospitalean.

Sistema honek bi motatako identifikazio-elementu ditu: espaziokoak eta langileenak. Norbanakoa borondatezkoa izango da.

Honako mezu hau bidali dute  Donostia Unibertsitate Ospitalean:

Ospitaleko aldizkarian aurreratu genizuen moduan, hurrengo egunetan identifikazio sistema ezarriko dugu Ospitalean. Sistema honek bi motatako elementuak ditu identifikaziorako, batetik, espazioa identifikatzen dutenak (mahai gainekoak, hormakoak), bestetik, langilea identifikatzen dutenak (pinak, mahai gainekoak).

Espazioa identifikatzeko elementuek adieraziko dute, unitate / zerbitzu unitate horiek prestatuta daudela zerbitzu elebiduna emateko. Unitate  hauek aukeratzeko Euskara Planaren lehentasunak hartu dira kontuan.

Norbanakoari dagokion identifikazioa (pina, mahai gainekoak), borondatezkoa izango da, eta edozein unitateko profesionalak eraman ahal izango du. Pertsonaleko Zuzendaritzaren aldetik profesional elebidunak animatu nahi ditugu identifikazio sistemaren ikurra erabiltzera, izan ere, arlo honetan pausuak emateak erabiltzaileari ematen zaion zerbitzuan ondorio zuzena izango du.

Oharra: pinak jasotzeko pasa zaitezte euskara zerbitzutik (Ama-haurren eraikineko -2 solairua) eta PAUtik.

Donostia Unibertsitate Ospitaleko Pertsonaleko Zuzendaria