Josune Gorospe EAJ-ren legebiltzarkideak Osakidetzako Euskara Planaren inguruan Deia eta Gara egunkarietan idatzitako iritzi-artikulua duzue honakoa:

Hamargarren Legegintzaldi hau hasi zenetik hona, sarritan izan dugu hizpide Osakidetzako Euskararen Erabilera Normalizatzeko Plana Eusko Legebiltzarrean. Hamaika aldiz hitz egin genuen gaiari buruz aurreko legegintzaldian ere. Bengoa sailburuak PSE-PPren artean sinatutako «acuerdo de bases»-en oinarrituta hainbat neurri hartu baitzituen, euretariko hainbat Osakidetzan Euskararen Erabilerari dagokionez atzera pausu nabarmenak.

Iaz, bi Legez Besteko Proposamen onartu genituen. Bietan ahalegin berezi bat egin zen Legebiltzarreko talde batzuetatik, hain zuen ere EAJren Euzko Abertzalek Legebiltzar Taldetik, EH Bildu eta Euskal Sozialisten taldetik. Eta bere emaitzak izan zituen, hainbat puntutan akordioa lortu baikenuen. Ahalegin egin, erdi bidean aurkitu eta aurrera egin genuen. Bereziki poztu gintuen horrek, euskara guztiona delako. Euskara dakitenena eta ez dakitenena dela; abertzaleena eta abertzale ez direnena dela. Guztiona. Ez dugu bat egiten «geureei”»mesede egin nahi diegula diotenekin. «Geureetariko» hainbatek ez dakite euskara; eta euskara dakiten guztiak ez dira abertzaleak. Agian UPyDko Gorka Maneiro jauna «geurea» abertzalea edo jelkidea da, euskara dakielako? Edo PPko Laura Garrido anderea? Ez, gauzak ez dira horrela. Eta batzuek kaleratu nahi duten hizkuntzan oinarritutako gizartearen zatiketa hori gainditu beharrekoa da. Euskara gure hizkuntza propioa da. Geurea eta ez beste inorena. Hortaz, Euskal Herriaren ikurra da, agian gure herriak duen ikurrik garrantzitsuena. Baina egun, euskarak ikur izatea ere gainditu

Irakurri osorik naiz.info eta Deian