UEUren Osasun Sailaren eskutik Osasun-Zientzietako Ikertzaileen II. Topaketak antolatu dira. Topaketa hauek Eibarko Markeskoa Jauregian ospatuko dira maiatzaren 30ean. Halaber, Topaketa osatuko duten ikerketa-lanak aurkezteko epea luzatu dute, eta lanok maiatzaren 9ra arte arte aurkeztu ahal izango dira.

Topaketa hauek 2010ean egin ziren lehen aldiz, eta helburu nagusiak ikerkuntza euskaraz egiten zela azalaraztea eta ikerlari euskaldunak elkar ezagutzea izan zen. Lehenengo topaketa haietan, maiztasun batekin topaketak errepikatzeko aukera proposatu zen, ikertzaile euskaldunen arteko harremanak sendotzeko eta ikerketa-lerroen jarraipena egiteko helburuekin. Horregatik, aurten (2014), osasun-zientzietako ikertzaileen bigarren topaketak egingo dituzte eta, helburuak bi izango dira: duela 4 urte parte hartu zuten taldeen ikerketa-lerroak zertan dabiltzan aztertzea eta osasun-zientzietako ikerketa-talde berriak erakartzea. Era berean, osasun-zientzietan diharduten ikerlari euskaldunen sarea ere sortuko dute.

Topaketei hasiera emateko, hitzaldi gonbidatu bat egongo da. Ondoren, eta 3 ataletan banatuta (bi goizez eta bat arratsaldez), ikertzaileek proposatutako ikerketa-lanak aurkeztuko dira. Topaketei bukaera emateko, osasun-zientzietako ikertzaileak saretzeko bitarteko bat aurkeztuko da.

Behin-behineko egitaraua

9:00-9:15 Harrera

9:15-9:45 Hitzaldi gonbidatua

9:45-11:30 1 blokea (ahozko komunikazioak)

11:30-12:15 Poster sesioa + kafe-etena

12:15-14:00 2 blokea (ahozko komunikazioak)

14.00-15:30 Bazkaria (lunch)

15:30-17:30 3 blokea (ahozko komunikazioak)

17:30-18:00 Bukaerako solasaldia

18:00 Amaiera

Ikerketa-lanak aurkezteko prozedura erantsitako dokumentuan duzue.

Nora bidali eta argibide gehiago: osasuna@ueu.org helbidean.
Informazio gehiago: Ainhoa Latatu 943 82 14 26 - a.latatu@ueu.org

ikerketa-lanak-aurkezteko_UEU.pdf