Berriak
Ezinbesteko pilulak soilik
2014-10-23
OCU, No Gracias eta PoliMedilabs-ek “PASTILLAS LAS JUSTAS” edo “EZINBESTEKO PILULAK SOILIK” konpainia abian jarri berri dute. Proposamen honen bitartez medikamenduen erabilera egokia sustatu nahi dute, eta aldi berean hauekiko jarrera arduratsu eta kritikoa sortu.
Medikamentuen erabilera seguruagoa izan dadin, 7 arau zehazten dituzte:
1. Hartzen dituzun medikamentuak ezagutu. Aldizka hartzen dituzun medikamentuak berrikusi. Beti ere zure mediku, erizain edo botikariarekin bakera.
2. Aukera bat eman tratamendu ez farmakologikoei. Tratamendu berri bat hasi aurretik, ziurtatu ez dagoela pilularik gabeko beste tratamendurik eta medikamentua benetan ezinbestekoa dela.
3. Medikatuak, beharrezkoak soilik. Zure osasunarentzat beharrezkoa den medikamentu bat hartzea bezain garrantzitsua izan daiteke beharrezkoa ez dena ez hartzea.
4. Ez dago bizitza osorako medikamenturik. Medikamentu bat egokia izan daiteke bizitzaren une jakin batean, eta aurrerago ez egoki edo kaltegarri bihur daiteke.
5. Aldaketak poliki-poliki. Aldi berean hainbat medikamentu hartzen hasterakoan, ahal den neurrian, hobe da lehenbizi batekin hastea, eta gero bestearekin, beti ere ahalik eta dosi txikienean.
6. Ez dago arrisku bako medikamenturik. Hainbat medikamentu hartzen badituzu, edo duela gutxi botika berriren bat erabiltzen hasi bazara, sumatzen duzun edozein sintoma ezberdin albo-ondorioa izan daiteke.
7. Berrienak ez du zertan onena izan. Merkatuan denbora gehiago daramaten botikak ezagunagoak dira, eta beraz hauen erabilera medikamentu berriena baino seguruagoa izaten da.
Utzi zure iruzkina
Azken Berriak
Osasunaldiaren 4. edizioan aurkeztutako lanen laburpenak irakurgai daude jada Osagaiz aldizkarian
Osagaiz osasun-zientzien aldizkariaren zenbaki berria sarean dagoela jakinarazi nahi dizuegu. OEE-Osasungoa Euskalduntzeko Erakundeak eta UEU-Udako Euskal Unibertsitateak plazaratzen duten argitalpenaren ale berezi honetan, apirilaren 10ean egin ziren X...
Euskara zu zara
"Euskara zu zara" kanpainari jarraipena ematen ari zaio AEK ikasturte berrian. Parte hartzea doan da, eta izena ematen dutenen artean hilero 10 sari zozketatuko dira. Izena emateko, bidali whatsappa (607 530 132), pasatu euskaltegitik edo...
