Iturria: Osatuberri20

Osakidetzako 2. Euskara Planak ezarri zuenez, Lehen Mailako Arretako zerbitzu-erakundeei dagokie paziente berriei galdetzea zein hizkuntza lehenesten duten ahozko harremanetarako, eta erantzuna datuen fitxan jasotzea, eurek hala nahi izanez gero. Planak epe bat aurreikusten zuen eginkizun hori gauzatu ahal izateko, eta behin hura igarota, Osabide-APren azken bertsiotik aurrera, Bai sano kanpainaren ikurraz bereizten dira ahozko harremanetarako euskara aukeratzen duten pazienteak. Horrenbestez, ikurra ikusgai egongo da pazientearen historiaren barruan, Lehen Mailako Arretako erroldan eta baita e-osabide eta Osabide Global aplikazioetan ere. Pazientearen hizkuntza-lehentasuna haren datu pertsonalen fitxan sar daitekeen edonork alda dezake (administrari, erizain, mediku…), eta, laster, pazienteak berak ere aldatu ahal izango du osasun-karpetan sartuta.