Pazienteek komunikazioak euskaraz ere jasotzea Osakidetzaren 1. Euskara Planean jasota zegoen baina ez zen lortu. Bigarren Euskara Planean ere egingo zela hitz eman zen. Gainera, Aitor Montesek eta beste erabiltzaile batzuek eskatu egin zuten orain bi-hiru urte eta, azkenik, lortu da.

Oraingo ereduan testu guztiak ez omen dira egongo bi hizkuntzetan baina datorren urtean, aplikazioa berritzen denean, baietz egongo dela ziurtatu dute.

Osakidetzako zuzendaritzatik gutun hau zabaldu da gaur, hain zuzen ere Asistentzia Sanitarioko zuzendaria den Antonio Arraitza Armendaritzek:

Gaur egun laborategietan erabiltzen den aplikazio informatikoak mugak dituenez, elebitasuna aukeratu da teknikoki posible denean eta txostenaren ulergarritasuna kolokan jartzen ez denean. Horregatik termino batzuk hizkuntza bakarrean agertuko dira.

Datorren urtetik aurrera aplikazio berria ezarriko da laborategietan. Aurrerapen asko ekarriko ditu, horien artean txosten elebidunak sortzeko aukera guztiak.

Zorionak denoi!