Komunikabideetan  Aitor Montesek idatzitako albiste baten berri eman nahi dugu, 766 ikasle eta osasun arloko 200 langileren adostasun eta izenpea lortu duena, hain zuzen ere.

Artikuluaren muinean aurkitzen duguna da, paziente bat bere hizkuntzan ez artatzeak hainbat gauza ez ditu betetzen, besteak beste: legea, medikuen eta erizainen kode deontologikoa, medikuen elkarteko kode etikoa eta baita konpetentea den edozein osasun-sistemako kalitate eta segurtasun klinikoko irizpideak. Aldarrikapen honekin bitartez defendatzen dena da, euskaldun batek jaiotzetik heriotza egunera arte euskarazko zerbitzu integratu bat jaso behar duela.

Hori horrela izanik eta mundua etengabeko aldaketetan murgildurik dagoen heinean, osasun-asistentzia ere horrekin batera aldatuz joan behar da, horretarako kalitatezko profesional elebidunak beharrezkoak dira eta ezinbestekoa da behar diren kasuetan prestakuntza zuzendaritzara aldarrikatzea. Horrela aldaketetara moldatzeko gai izango dira eta pazienteei behar den moduan artatzeko gai izango dira.