Joan Benach Medikuntza lizentziaduna eta Bartzelonako Pompeu Fabra Univertsitateko Zientzia Politiko eta Sozialen saileko langilea, egunotan egon da Bilbon mintzagai. Osasun publikoa eta lan osasuna aztergai eta irakasgai ditu; horrez gain,  GREDS/CONNECT ikerketa taldeko zuzendaria da: osasun baldintzak, lan baldintzak eta desberdintasun sozialak ikertzen dituzte bertan.

Ikerlariak, Medicus Mundik Bilbon osasun sistemen pribatizazio prozesuen inguruko jardunaldi hauetan azaldu duenez , osasun publikoak borroka soziala defendatu behar du. Horrez gain beste alor batzuetan ere bere iritzia plazaratu du, besteak beste: osasunaren merkantilizazioaren gainean, osasun publikoaren suntsiketaren gainean, osasun publiko duin bat sortzeko jarraitu beharreko ibilbidearen inguruan,  eta baita osasun gaietan erakundeek informazio desegokia zergatik ematen duten aipatu du.

Azken baten, osasun sistemaren norabidea eta etorkizunari buruzko hausnarketa sakona bideratzeko ideiak plazaratu ditu egindako elkarrizketan.

http://www.eldiario.es/autores/joan_benach/