Otsaila bukaeran Eusko Jaurlaritzak 13 baliabide berri eskaini zituen euskararen normalizazioan aurrera egiteko, tartean osasungintzarako erabilgarri diren hiru hiztegi: Traumatologia, Hiesa eta Mendekotasunari buruzkoak. Sarean eskuragarri daude (gogoratu, control+f sakatuta erraz asko topatu daitezkeela hitzak), eta paperean ere argitaratu dira. Horrez gain, Euskalterm banku terminologikoa elikatzeko erabili dute, beraz, Euskaltermen bertan bilatuta zuzenean topatuko duzue itzulpena. UZEI arduratu da hiztegiak egiteaz.

Terminoen ondoan agertzen diren zenbakiak, hau da, (3) eta (4) hitzaren egoera zein den adierazteko daude. (3)k esan nahi du hitz hori erabiltzen dela, baina ez dela gomendatuena. (4) da beraz seguruena, esan nahi du terminoa erabiltzen dela eta gainera horixe dela gomendatuena.

PDF formatuan:
- Traumatologia-hiztegia
- Hiesari buruzko hiztegia
- Mendoekotasunari buruzkoa

Euskalterm, hemen.

Orain arte argitaratutako hiztegi guztiak, hemen.

Albiste osoa, hemen.