Berrian, Marga Saenz Herrero psikiatra elkarrizketatu dute medikuntzan genero-ikuspegiak duen garrantziaz. Bere ustez, oinarrietatik hasita birplanteatu behar da medikuntza. Oro har, Saenzek salatu du emakumeak gizonen anatomia kontuan hartuta artatzen direla.

Datu batzuk:

-- Entsegu klinikoetan orain dela 30 urte baino gutxiago hasi ziren emakumeak ere parte hartzen, 1990eko hamarkadan.
-- Emakumezko fibromalgia gaixo asko Osasun Mentaleko sailera bideratzen dira, sarritan aurre-iritziengatik kexati izatea leporatzen dietelako.
-- Gaixotasun batzuk desberdin agertzen dira emakumezko eta gizonezkoengan, bihotzekoa, adibidez.
-- Medikamentu batzuk dosi ezberdinetan hartu behar dituzte emakumezko eta gizonezkoek.

"Andreei sendagai gehiegi ematen zaie?

Gizonei baino askoz ere gehiago ematen dizkigute; psikiatra baten diagnostikorik izan gabe, gainera. Andreek mina gorputzean dutela esaten diete, eta haiek buruko gaixotasun bat dutela erabakitzen dute.

[...] Ugaltzeko adinean dauden emakumeen %80k anemia ferropenikoa daukate, baina hori askotan ez da tratatzen. Andre bat medikuarenera joaten denean eta esaten duenean nekatuta dagoela, askotan anemia izaten du, eta burdina da eman behar zaiona, ez antsiolitikoak. Emakumeei gehien ematen zaien medikamentua psikofarmakoak dira."