Aitor Montesek Berriari bidalitako gutuna irakurrita, OEEk zehaztapen hauek egin ditu gaia argitzearren.

Baliabideak eta gaitasunak izeneko Aitor Montesen artikulua agertu berri da BERRIAn. Bertan, Osakidetzak historia klinikoa ez duela euskaraz eduki nahi zioen eta OEEk historia klinikoetan itzulpenaren aldeko hautua egin duela, estrategia desegokia hartuz.

Aitorrekin ados gaude, herritar guztiek euskaraz egiteko duten eskubidea bermatzeko, Osakidetzako langile guztiak euskaldunak izan behar direla eta horra jo behar dugula. Baina, langile erdaldunak dauden bitartean, itzulpenak erabili beharko direla uste dugu, zerbitzua bermatze aldera.

Osasungintza euskalduntzeko gogoz dauden guztiak bidaide izango garelakoan.