Azkeneko mahai-inguruan pazienteen eta profesionalon arteko hartu-emana jorratuko dugu. Izan ere, gizarteak gero eta ozenago eskatzen du sistemaren hobekuntza. Horretarako, beste hiru adituk hartuko dute hitza larunbat goizean, ahozko komunikazio eta posterren tartearen ostean.

Izena emateko

1) Nork definitzen ditu gaixotasunak?

Jon Zuazagoitia Nubla Eusko Jaurlaritzako Osasun Sailetik etorriko zaigu gaixotasuna  zer den eta zer ez den nola zehazten den azaltzeko, kategoria zientifiko, sozial eta politikoak diren aldetik. Zer rol dute faktore sozioekonomikoek? Definizioak mota batekoak ala bestekoak izan, zer aldatzen da? Ba al dute definizioek gizartearen medikalizazioan eraginik? Definizioak eguneratu behar al dira?

2) Denok pazienteak

Zer da paziente izatea? Gaixotasun hutsak egiten gaitu paziente, ala osasun-profesionalarekiko harremanak? Harreman hori norainoko da asimetrikoa, eta zer eragin dauka horrek zerbitzuan?

Arabako Eritzaintza Eskolako Arantza Basagoiti Azpitartek hausnarketa eragingo digu profesional eta pazienteen arteko harremanari buruz.

3) Erabakiak elkarrekin hartzen laguntzen duten baliabideak

Azkenik, mahai-ingurua borobiltzeko Izaskun Antunez Tricio izango dugu, Osakidetza-Araba ESIkoa. Pazienteak profesionalen erabaki guztiak onartu behar ditu eta isilik geratu? Komunitateak badu rolik osasun-sisteman?

Antunez Triciok Eredu paternalistatik aldentzen den osasun-sistema motaz hitz egingo digu, non pazienteen parte-hartze aktiboak zeresan erabakigarria izango duen. Partekatutako erabakiak hartzea edo TDC delakoa oinarri duen sistemaz, hain zuzen ere.