Berriako "Argia ahitzen denerako" atzoko elkarrizketa interesgarri suerta dakioke osasun-arloko edozein langileri, zainketa aringarriez eta eutanasiaz baitira Alberto Melendez eta Txema Lorente. Bizitzaren amaieran dauden aukerez, medikuen rolaz, zaintzaileen bizipenez, eutanasiaren eta zainketa aringarrien arteko ustezko dikotomiaz...

Hain zuzen ere, Melendez zainketa aringarrietan Osakidetzan dabilen medikua da, eta Lorente Alzheimerrak jota zegoen emaztea zaintzen ibilitakoa da urteetan, eutanasia zigorgabetzearen aldeko kanpainagatik ezaguna.

"Medikuei ez digute irakasten. Ez dira jorratzen zaintza aringarriak. Ukatu egiten da heriotza. Uste da porrota dela" (Alberto Melendez).

"Kontua da ikusi ditudala zaintza aringarrietako mediku batzuk beren hitzaldietan goiburutzat hartu dutenak: Zaintza aringarriak edo eutanasia. Zergatik ez Zaintza aringarriak eta eutanasia? Biak elkarren osagarri dira. Zergatik sortu antagonismoak sufritzen ari denaren pairamendua arintzea bilatzen duen zerbaitetan?" (Txema Lorente).

[Testu osoa, hemen]