Osakidetzak proiektu berria jarri du martxan: Itzulbide. EHUrekin elkarlanean, adimen artifizialean oinarritutako itzultzaile automatikoa jarri nahi dute eskuragarri osasun-profesionalentzat, euren eguneroko jardueran historia klinikoak euskaraz eta erdaraz idatzi ahal ditzaten.

Helburua 2020rako prest egotea da, baina, horretarako, lehenik langileen laguntza beharko dute, makinari "irakasteko". Horrek ahalbidetuko luke euskaraz ez dakiten profesionalek ere euskaraz idatzitakoa ulertzea eta nahiz eta beraiek erdaraz idatzi, beste norbaitek euskaraz irakurri ahal izatea.

Parte hartu nahi izanez gero, helbide hauetara bidal dezakezue mezua: Osakidetzan: itzulbide@osakidetza.eus eta EHUn: ixa.itzulbide@ehu.eus.

Informazio gehiagorako, atxikita duzue aurkezpen osoa barne duen dokumentua.

Itzulbide - Aurkezpen laburra.pdf