CAF-Elhuyar sariketa martxan jarri du Elhuyarrek. Aurtengo leloa Zubiri-zubiri da. Metafora honek euskal gizartea zientziaren nahiz teknologiaren munduarekin lotzearekin du zerikusia eta, hori gutxi balitz, hori lortzen duten ikerketak saritzea, aitortzea eta bultzatzea.  Sari desberdinak daude lan moten arabera.

Horien artean dibulgazio artikulu originalak daude. Bi azpikategoria dituzte: dibulgazio-testu orokorrak eta egilearen doktore tesian oinarriturakoak. Azpikategoria bakoitzeko irabazleek 2.000 euro jasoko dituzte. Horrez gain, Elhuyar aldizkariaren urtebeteko harpidetza eta Imanol Andonegi Manterolaren eskultura bat eskuratuko dute. Era berean, aipatu beharra dago aurten ere NEIKER sari berezia emango diotela artikulurik onenari. Beraz, artikulu honen egileak bi sari jasoko ditu.

Saririk jasotzen ez baduzu, ez larritu, Elhuyarrek (egilea ados egonez gero) sarituak izan ez diren dibulgazio artikuluak argitaratzeko aukera baitago. 2020ko otsailaren 7ra arte aurkez daitezke lanak. Anima zaitezte zuena aurkeztera!

Informazio gehiago nahiez gero klikatu hemen.