Medikuen ahotsa aldizkarian Ainitze Labaka Etxeberria erizain eta doktorea elkarrizketatu dute. Udako ikastaroa antolatu zuen uztailean: "Berdin artatzen al ditugu pazienteak emakumezko ala gizonezko izan?" Berak dioenez: "Emakumearen osasun-gaixotasun prozesua ez da konplikatuagoa, zientziarentzat ezezagunagoa baizik".

Batetik, berdin artatu behar diren kasu batzuetan ez dugu egiten. Urrutira joan gabe, Euskadin miokardioko infartu akutua diagnostikatu eta kateterismoa edo tronbolisia behar luketen emakumeek jasotzeko aukera gutxiago dute. Beste batzuetan, emakume eta gizonek gaixotzeko modu ezberdina izan dezaketela ahazten zaigu. COVID-19aren kasuan adibidez, gizonezkoetan ohikoak diren sintomen berri eman da erreferentziazko sintomatzat; sukarra, disnea, neumonia… Baina emakumezkoetan ohikoagoak dira eztarriko mina, goragalea eta beherakoa [Jarraitzen du...].