Azken asteotan, Osatuberriren webgunean hurrengo albiste interesgarriak aurkitu ditugu: emakumeak osasungintzan izandako papera eta horren bilakaera, sasoi txarretan eta bilera sozialetan erretzearen arriskuak, euskara lantzeko podcastak eta esne moten inguruko zenbait argibide.

Lehenengo albistean nabarmentzekoa da benetan emakumeak historikoki osasungintzan izandako papera. Horren atzean egondako aitzindariek (batik bat, Marie Curie eta Maria Montessori) emakumeen aldeko eskubideengatik borrokatu ziren, gizonei zegokien mundu batean. Azken urteotan gauzak hobetu badira ere, ondino lan handia egin behar dugu. Izan ere, zaintza-lanetan, eta, hortaz, osasungintzan diharduten emakumeek ez dituzte gizonek dituzten baldintza eta eskubide berdinak. Horren inguruko informazio gehiago hemen.

Erretzearen arriskuei dagokienez, Asier Fernandez Duran medikua elkarrizketatu dute. Fernandezek Osakidetzan tabakoa uzteko tailerrak ematen ditu. 2020an hasi zen egitasmoarekin eta urte horretan 90 pertsona bildu zituen, datozen urteetan kopuru hori handituz joango dela estimatzen da. Beraz, begi-bistakoa denez, jendeak erretzen uzteko asmoa dauka. Informazio gehiago albistean.

Euskara ikasi eta landu nahi duten Osakidetzako langileentzat bideratutako egitasmo bat sortu du Gipuzkoako euskararen normalkuntza taldeak. Egitasmo horrek Entzun! du izena. Osakidetzako langileentzat, bereziki euskalduntze prozesuan murgilduta daudenentzat izan daiteke egokia. Podcast horietan Osakidetzarekin lotutako gaiak jorratzen dira, modu informal eta natural batean langileek horietatik ikas dezaten.

Irailean esne motei buruzko albiste bat ere irakurri ahal izan zen aldizkarian. Duela urte batzuk ezagutzen genuen esne bakarra animaliengandik eratorritako esnea omen zen; gaur egun, aldiz, hainbat esne mota aurkitu daitezke merkatuan; besteak beste, intxaur esnea edo arroz esnea. Informazio gehiago hemen.

Gainerako albisteak Osatuberriren webgunean ikusgai.