Osakidetzako euskara-aldizkariaren urtarrileko berriak irakurgai daude jada. Batetik, Denok Osasunaren Alde GKEaren eskutik, Ibon Enciso Baztan sendagileak udan Bolivian egindako egonaldiari buruzko albistea irakur daiteke. Bestalde, Ane Negueruela Nøgen musika taldeko abeslaria elkarrizketatu dute. Izan ere, abestiei ahotsa jartzeaz gain, mediku dihardu Mendaroko Ospitalean. Horretaz gain, Sergei Uriarte fisioterapeutari ere egindiote elkarrizketa. Lehen Mailako Arretan aritzen da lanean, Salburuko anbulatorioan. Fisioterapeuten lanaz berba egin du. Bitartean, Ajuriagerrako Osasun Mentaleko Zentroko Adikzioen zerbitzuan (Bilbon) lantzen duten metadonaren programaren eta opioideetara izaten den mendekotasuna artatzeko egitasmoaren nondik norakoak aletu dituzte Idoia Larrañaga psikiatrak eta Mikel Palacios psikologoek.