Argia aldizkariak Gorka Torre EHEko kidea elkarrizketatu dute egin duen desobedientzia ekintza garrantzitsu baten karira:

Desobedientzia praktikatzen

Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du zalantzarik egin esaterakoan euskaldunon komunitatea ahul dagoela. Alabaina, haren ustez bada kopurua eta nahia aurrera egiteko. Legeak desobeditzeko adore gehiago eskatu du. Xan Airek "epikarik gabeko" desobedientzia ekintzetan jarri du azpimarra; egunerokoan, adibidez, lantokian desobeditzea. Elurre Iriarte gatazka azaleratzearen aldekoa da, azken urteetan elkarbizitzaren eta errespetuaren izenean hizkuntza zapaltzaileetara lerratzen ari garelako. Iriarteren ustez, bada garaia erdaldunei ahalegin bat eskatzeko.

https://www.argia.eus/argia-astekaria/2927/desobedientzia-praktikatzen

(Gorka Torrek desobedientziari buruzko gogoetak ekintza batekin osatu nahi izan ditu eta artikulu honen bukaeran azaldu dugu hitzez eta irudiz Torrek egindako ekintza. Lotura honetan ekintzaren bideoa daukazue).