FEUSE Farmazialari Euskaldunen Elkarteak Asteazken Kulturala jardunaldia egingo du urriaren 22an, EHUko Farmazia Fakultatean, Gasteizen. Oraingo honetan, elkartea bera izango da eguneko protagonista, eta ikasle zein osasun-profesionalen interesa pizteko bereziki pentsatutako egitaraua prestatu dute. Jardunaldia 12:00etatik 14:00etara izango da.

Egitaraua:         

- 12:00-12:30 FEUSEren aurkezpena.

- 12:30-13:15 Adimen artifizialari buruzko hitzaldia, Maite Oronoz EHUko Hizkuntza eta Informatika Sistemako irakaslearen eskutik.

- 13:15-14:00 Mahai-ingurua: Euskarak farmazian duen garrantzia, lau farmazialariren parte-hartzearekin.