Egitaraua

Ekainaren 4, OSTIRALA

9:00 Dokumentazio-banaketa

9:15 Jardunaldien Hasiera Ofiziala

9:30  MINBIZIA:

             Mod: Gaizka Mallabiabarrena (Ginekologia, Gurutzeta)

              a. “Papilomabirusaren aurkako txertoa ”. Maria Unamuno (Ginekologia, Debagoiena)

              b. “Herentziazko eta familia-minbizia ”. Nahia Aia (Ginekologia, Galdakao)

              c. “Bularreko minbizia detektatzeko programak ”. Garbiñe Sarriugarte / Arantza Otegi                         (Titietako Minbizia Goiz Detektatzeko Programa, Osakidetza) 

              d. “Bularrekoak ez diren tumoreak ”. Txema Arrieta (Onkologia, Txagorritxu)

11:30 Kafea/Atsedenaldia

12:00 AHOZKO KOMUNIKAZIOAK. (Lehenengo saioa)

12:00  UGALKETA ETA OSASUNA:

           Mod: Arantzazu Ugarte (Etxeko Ospitalizazioa, Debagoiena)

            a. “Erditze naturala etxean eta ospitalean “. David Moreno  (Emagina, Debagoiena)

            b. “Anestesia epidurala ospitalean ”. Izaskun Emazabel  (Gipuzkoa Poliklinika, Donostia)

            c. “Antisorgailuak + biharamuneko pilula ”. Arantza Meabe (Ginekologia, Gurutzeta)

            d. “Abortua gaur egun”. Jon Ander Agirregoikoa (Ginekologia, Quiron Bilbo).

14:00 Bazkaria (Zelai Zabal)

16:00-17:30 POSTERRAK DEFENDATZEA

16:30 TAILERRA:

             “Sexologia”. Nerea Sancho (Sexologia, Arrasate)

16:30  OSTEOPOROSIA ETA GAIXOTASUN KRONIKOAK:

           Mod: Iñaki Brouard  (Ginekologia, Gurutzeta)

           a. “Haurdunaldia eta osteoporosia”. Miren  Arrizabalaga (Ginekologia, Debagoiena)

           b. “Osteoporosiaren tratamendua”. Jose Miguel Aranburu (Erreumatologia, Basurtu ospitalea)

           c. “Osteoporosiaren prebentzioa”. Maria Etxaniz (Errehabilitazioa, Asunción klinika Tolosa)

           d. “Emakumeak eta Gaixotasun kronikoak”. Iñaki Peña (Barne Medikuntza, Debagoiena)

18:00 TAILERRA  

          “Psikoterapia laburra”. Irati Fernadez Lezeta (Familia Medikuntza, Gasteiz)

                                            Iñaki Aguirrezabal Bazterrika (Familia Medikuntza, Gasteiz)

18:30 AHOZKO KOMUNIKAZIOAK. (Bigarren saioa)

19:00 OEEren Batzar Nagusia

21:00 Afaria (Goiko Benta)

Ekainaren 5, LARUNBATA

09:00  HITZALDIA:

        “Medikuntza, antropologia eta feminismoa ”. Mari Luz Esteban (Antropologia EHU)

09:00   AHOZKO KOMUNIKAZIOAK. (Hirugarren saioa)

11:00   AHOZKO KOMUNIKAZIOAK. (Laugarren saioa)

11:30 Kafea/Atsedenaldia

11:30 TAILERRA:

         “Zoru pelbikoa”. Miren Galdos (Fisioterapia, Oñati)

12:00  GIZARTEA, KULTURA ETA OSASUNA:

       Mod: Mikel Usandizaga (Larrialdiak, Debagoiena)

       a.“Emakumeak eta depresioa”. Imanol Querejeta (Psikiatria, Donostia)

       b.“Generoa, osasunerako erabakigarria”. Amaia Bacigalupe (Ikerkuntza Sanitarioa, Osasun Saila)

       c.“Elikadura asaldurak”. Elena Diaz Ereño (Medikuntza fakultatea, EHU).

       d.“Zaintzaile emearen rola”. Maixe Noya (Emakume teknikaria, Oreka sarea)

13:45 Ondorioak eta amaiera-ekitaldia

14:15 Lunch bazkaria (Gandiaga)

Aurkezpen gutuna

Dirua, maitasuna eta osasuna

Hiru gauza omen daude bizitza honetan, abesti zahar bati kasu eginez gero: dirua, maitasuna eta osasuna. Eta hirurak lortu, zaindu eta mantendu dituenak jainkoari eman behar omen dizkio eskerrak.

Kantuak ez du horrelakorik aipatzen, baina historikoki, hirurak ukatu zaizkie emakumeei. Dirua, maitasuna eta osasuna.

Dirua, emakumeak beti lan egin izan duen arren, bere lana jakintzat eman delako, trukean soldatarik behar eta merezi ez zuena. Azken mende honetan gauzak aldatu badira ere, gure lehenengo mundu honetan oraindik gosaldu behar dugu soldata-diskriminazioaz hitz egiten diguten berriekin. Ez dakigu noiz arte.

Maitasunarekin antzeko gauza gertatu da, izan ere pertsona berdinen artean  baino ez delako posiblea benetako maitasuna, eta hala ez bada, maitasuna barik, beste izen bat bilatu beharko genioke  desberdintasunean oinarritutako harreman makurrari. Horrelako ez-maitasun istorioak ere egunkarietako lehengai izan ohi dira, zoritxarrez.

Eta horrela ailegatzen gara bizitza honetako hirugarren oinarrira. Osasuna. Zer gertatzen da emakumeen osasunarekin?

Dirua eta maitasunaren ukatzea emakumeak desberdin kontsideratzearen ondorioa da. Osasunarekin, ordea, kontrakoa gertatzen da. Emakumearen osasun propioaren ukazioa emakumea berdin kontsideratzeagatik etorri da. Gizonaren kopia bat, saihets batetik ateratako bere erreplikantea. Apur bat ahulagoa, baina erreplikantea azken finean.

Halako batean, zientzia medikoak erabaki zuen emakumea eta gizona berdinak zirela osasunaren esparruan, ugalketari dagozkion desberdintasun ñimiño batzuk kenduta. Eta horrela, gizona eta bere fisiologia ikertzeari lotu zen, ikerketa horien emaitzak gero emakumearentzat, alegia, bere erreplikante ahularentzat ere baliogarriak izango zirelakoan.

Berdintasun bortxatu horren ondorioak oraindik pairatzen ditugu, azken hamarkada hauetan askotan salatu denez, baita prentsan ere. Zaila omen da gaixotasun kardio-baskularrak detektatzea emakumeengan, hauek sintoma propioak dituztelako, eta ez gizonen sintomak, beharko lukeen moduan. Gaixotasun batzuek emakumeengan eragin handiagoa baldin badute, ziurrenik gaixotasun psikosomatiko baten aurrean gaude, bestela nola azaldu gizon eta emakumeen arteko desberdintasun hau? Eta abar.

Ez da xamurra, ez, egunkariak irakurtzea gaur egun.

Noizean behin, ordea, berri onak ere agertzen dira. Gutxinaka, bi hankekin (gizonaren bi hankekin) egindako bideak desegiten ari gara. Hasi gara gainera bide berria egiten, lau hankekin oraingo honetan (gizon eta emakumearen lau hankekin). Jardunaldi hauek horren lekuko dira.

Dirua, maitasuna eta osasuna. Abesti zaharrak, akaso, arrazoia zuen. Merezi ditugu. Eta nahi duenak, eman diezazkiola eskerrak jainkoari. Nik gizon eta emakume onei ematea nahiago dut.

Katixa Agirre