Egitaraua

Apirilak 21, ostirala

09:15 Ongietorria

09:45 Sarrerako hitzaldia: Maria Jose Alberdi Erice. EHUko Medikuntza eta Erizaintza Fakultateko irakaslea. Osasun Sustapena

10:15 Lehenengo mahai-ingurua:  Tokiko osasuna sustatzeko elkarlana: Auzozaintza programa publiko-komunitarioa

 - Moderatzailea: Naia Hernantes. EHUko Medikuntza eta Erizaintza Fakultateko irakaslea.

 - Hizlariak

Xabier Lertxundi, Hernaniko alkatea
Alazne Corral, Zabalduz Kooperatibako partaidea
Onix Karla Cerda Gonzalez, Maitelan Kooperatibako partaidea
Aitor Alberdi, Hernaniko Osasun Zentroko langilea
Amaia Maquibar, EHUko Medikuntza eta Erizaintza Fakultateko irakaslea.

11:45 Atsedenaldia

12:30 Komunikazioak eta Tailerrak:

Komunikazioak. Moderatzailea: Felix Zubia. Medikua. Donostia Unibertsitate Ospitaleko Zainketa Intentsiboen Unitateko Burua. EHUko Medikuntza eta Erizaintza Fakultateko irakaslea.
Tailerra: Ariketa fisikoa 3º adineko pertsonetan: Ageing On taldea, Nagore Arizaga, Haritz Arrieta, Itxaso Mugica eta Itxaro Perez, EHUko Medikuntza eta Erizaintza Fakultateko irakasleak.
Tailerra: Elikadura eta osasunaren sustapena: Elika Eskola eta Eli Gallego

16:00 Bigarren mahai-ingurua: Osasuna sustatzeko modu ezberdinak

 - Moderatzailea: Ainhoa Oñatibia

 - Hizlariak

Estibaliz Goienetxea Soto, Gipuzkoako farmazialarien elkargoko zuzendari teknikoa eta Feuseko batzordekidea
Begoña Belarra Tellechea, Osakidetza: Osasun Eskola. Pertsonak ahalduntzen.
Erlauntza: Sorkunde Jaca Miranda (Donostiako Udaleko Osasuna Sustatzeko teknikaria ) eta Aitziber Aierbe (Familia eta Komunitate Medikua)

18:15 OEEren Batzar Nagusia

Apirilak 22, larunbata

09:00 Hirugarren mahai-ingurua: Desberdintasun ardatzak (Kolektibo ezberdinak + generoa)

- Moderatzailea: Josune Zubeldia. Erizaina. EHUko Medikuntza eta Erizaintza Fakultateko irakaslea.

- Hizlariak

Nerea Alvarez Arruti, Nafarroako Osasun Publikoaren eta Lan Osasunaren Institutua.  Nafarroako ijito komunitatean osasuna sustatzen: 35 urteko ibilbidea
Zaira Dafonte: Genero disidentzia eta gutxieneko sexualen arreta.
Maria Dávila Monzón, Otxarkoagako Osasun Zentroko emagina: Emakumeen genitalen mutilazioa: arreta eta prebentzioa
Sara Olariaga Arrazola, Basauriko presondegiko medikua: Osasuna kartzelan: posible ote?

11:00 Atsedenaldia

11:30 Komunikazioak eta tailerrak

Komunikazioak. Moderatzailea: Nagore Arizaga. Erizaina. EHUko Medikuntza eta Erizaintza Fakultateko irakaslea.
Tailerra: Bakardaderaren bidelagunak: Aintzane Iribar eta Garazi Solis, gizarte-hezitzaileak
Tailerra: Mindfulness, autozaintza eta autoerrukia: Izaskun Andonegi Goikoetxea, Bidegi Fundazioko erizaina

13:00 Itxiera-ekitaldia Nerea Arriolarekin

 

Heltzeko edota aparkatzeko

Non: Carlos Santamaria Zentroa Ibaetako EHUn dago: Elhuyar plaza, 2
https://goo.gl/maps/unxnvrUuKKaoAqqV8

Autobusez. Bertara heltzen diren autobus lineak hauek dira: 5 (Bentaberri), 25 (Bentaberri-Añorga) eta 45-Geltokiak Renfe-Bus-Antiguo-Aiete. Informazioa: https://www.dbus.eus/dbus-en-mugitzea/lineen-mapa-eta-ordutegiak/

Autoz. Larunbatean ondoan lekua egoten da eta ez dago TAOrik. Ostiralean:

a) Bi doako aparkaleku daude:
- Estornes Lasa kalea, 900 metrotra, 10 min. https://goo.gl/maps/SaHeFckDz3DfePYn6
(Diario Vasco ondoan),
- Zuhatzu industrialdea: 2 km, 22 min. https://goo.gl/maps/fE148hKvJ1i4vfNo8

b) TAO
- Eremu urdina da  eta gehienez 5 ordu aparkatu daiteke, eguerdian mugitu eta arratsaldean berriro aparkatuz.
- Ordutegia 9:00-13:00 / 15:30-20:00.
  Estornes Lasa doako aparkalekua

Bazkaria
Barriola eraikina, Santamaria ondoan, Elhuyar plaza 1

Aurkezpen gutuna

Asko dira gaur egun gure gizartean aurre egin beharreko erronkak. Ugariak eta konplexuak. Pandemiak ere agerian utzi dizkigu hainbat gabezia, lehendik bazirenak eta sortu diren berriak. Osasuna da horien artean guztion ahotan dabilena. Osasuna ala osasun-sistema? Nor da noren beharretara jartzen dena?

Osasuna osasun-sistemaz haratago doa. Osasun profesionalak eta osasun-zerbitzuetan lan egiten duten langile guztiak dira ezinbesteko osasunaren sustapenerako, baina ez nahikoa. Jaio, hazi, lan egin, eta bizi garen tokietako ezaugarriek eta baldintzek determinatzen dute gure osasuna. Beharrak anitzak izan daitezke, eta horien banaketan ere alde nabarmenak hauteman daitezke gizarte determinatzaileen baitan.

Horiek guztiak ezagutu, aztertu eta beren bueltan lan egiteko ezinbestekoa da beraz eragile ezberdinen parte hartzea eta euren arteko lankidetza. Politika publikoak pertsonen osasunaren determinatzaile nagusi gisa identifikatu dira. Hori dela eta, osasuna hobetzeak politika horietan ere arreta jartzea dakar, eta politika horiek formulatzean gizartean diharduten sektore eta erakunde guztiek, osasun-sektoreaz gain, osasuna erraztuko duten inguruneak sortzeko konpromisoa izatea.

Hori guztia abiapuntutzat hartuta, Osasungoa Euskalduntzeko Erakundearen (OEE) 2023 urteko biltzarrerako hiru mahai-inguru eta lau tailer antolatu dira, EHUko Medikuntza eta Erizainta Fakultateko Donostiako Atalaren lankidetzarekin. Mahai-inguruetako hizlariek hainbat proiektu eta esperientzia aurkeztuko dituzte eta tailerrek, berriz, osasun-sustapenerako tresna eta abileziak garatzeko balioko dute. Komunikazio eta posterren bitartez ere izango da aukera ekarpen gehiago ezagutzeko. Aurkeztutakoen inguruan guztion parte hartze eta eztabaidarako espazioa sortu nahi da. Biltzarra zuekin guztiokin garatu nahi da, osasunaren sustapenean ere guztiok daukagulako ardura.