Sarrera

Glioma astrozitikoek garuneko tumoreen talde garrantzitsuenetariko bat osa­tzen dute. Gaiztotasunaren arabera, tumore hauek hiru taldetan sailkatzen dira : astrozitoma (honen barruan daude zerebeloko astrozitoma pilozitikoak), astrozito­ma anaplasikoa eta glioblastoma multiformea. Talde hauek desberdintzeko zehaz­tuta daude irizpide morfologiko batzuk: mitosiak , atipiak , hemorragiak, nekrosiak, besteak beste. Hala ere, glioma astrozitiko batzuk oso heterogeneoak izaten dira eta diagnostiko zehatza egitea zaila gertatzen da zenbait kasutan . Hau dela eta , gaizto­tasuna adierazten duten beste irizpide batzuk aztertzea komenigarri izan daiteke.

PCNA, zelulen ugal ketan esku hartzen duen proteína bat da. Proteína hau, ADN polimerasa-D izeneko entzimaren laguntzailea da, ugaltzen ari diren zelulen nukleoan dagoena.

Gure lanaren helburua honako hau izan da: PCNA antigenoa agerian jarriz ugaltzen ari diren zelulak detektatzea zenbait tumore astrozitikotan .

Honetarako, Gurutzetako eta Arantzazuko Ama Ospitaleetatik 66 astrozitoma jaso genituen honela sailkatuak : 7 zerebeloko astrozitoma, 12 astrozitoma, 14 astro­zitoma anaplasiko eta 33 glioblastoma multiforme. Tumore-ale guztiak parafinatu ziren eta ehuna ebaki ondoren , hematoxilina-eosina (H -E) ohiko teknika egin zen.

PCNAren adierazpena agerian jartzeko antigeno-antigorputz erreakzioa burutu zen PC10 antigorputz monoklonala erabiliz. Erreakzio hau ikusi ahal izateko ABC kit Elite konplexua eta marroi kolorea ematen duen diaminobenzidina erabili zen . Negatiboak ziren nukleoak detektatzeko hematoxilina erabili zen . Mikroskopioaz baliatuz, ale bakoitzeko 400 zelula (positiboak eta negatiboak) zen­batu ziren positiboen portzentaiak jasotzeko.

Astrozitometan oso nukleo gutxi detektatu ziren (%0.21 ). Zenbait aletan, adi­bidez , ez zen nukleo positiborik detektatu. Zerebeloko astrozitometan garuneko astrozitometan baino portzentaia handiagoak eskuratu ziren (% 1.87). Astrozitoma anaplasikoetan zelula ugarik adierazi zuten PCNA antigenoa (%23.93). Glioblastoma multiformeek positiboen portzentaia handienak eduki zituzten (%28.99). Hemen, gune gaiztoenetan ezezik, ondoan dauden guneetan , hau da, alde peritumoraletan ere antigeno hau detektatu zen zelulen barnean .

Laburbilduz, PCNAren adierazpena glioma astrozitikoen gaiztotasunari lotu­ta dago eta tumore hauek desberdintzeko eta diagnostikatzeko oso baliagarri suerta daiteke.