Osasungoa euskalduntzeko erakundea

08. Osasun Jardunaldiak: Neurozientziak

4.17 Nola betetzen duten gib+ gaixoek tratamendu antirretrobirala

Egileak: J. Baraia-Etxaburu , M.J. Carvajal , J. Muñoz , Z. Zubero , R. Teira , J.M. Santamaria

Sarrera

GIB kontrako tratamendu konbinatuak gero eta eraginkorragoak dira. Hala ere hutsegite terapeutikoak sarriak dira. Batzuetan birusa erresistentea da medikamentuaren aurrean, beste batzuetan nahiz eta sentikorra izan, gaixoak ez du ondo hartzen eta tratamendu indargabe horrek birusa erresistente bihurtzen lagunduko du. Tratamendua ondo kunplitzea askotan mediku eta gaixoaren arteko harreman on batean datza.

Helburuak

Gure gaixoek tratamendu antirretrobiralak nola betetzen dituzten jakitea.

Metodoak

Gaixoei inkesta anonimo bat pasatu haiek bete dezaten.

Emaitzak

84 gaixok bete dute inkesta. Gehienak gizonezkoak (69%) eta drogazale izanak (67%). Tratamendu konbinatua bi farmakorekin 34 (40%) edo hiru farmakorekin 50 (60%) egiten ari dira. Gehienek (%92) ondo dakite tratamendua nola hartu behar den (zenbat pilula eta zein ordutan). Azkenengo hilabetean 76k (90%) ez dute egun oso bat galdu, 6k (7%) bostek egun baino gehiago eta 2k (2%) aste bi baino gehiago.

Azkenengo astean 46 (55%) gaixok dosi guztiak hartu dituzte. Beste 38 gaixoren artean, 28k hiru dosi baino gutxiago galdu dute; 7k 5-10 dosi eta 3k hamar dosi baino gehiago. Tratamendu bikoitzeko taldean, 18/34 (53%) ez ditu dosi guztiak hartu eta hirukoitzekoan 20/50 (40%) (P= 0,27). Hutsegitearen arrazoi nagusienak: ahaztea 26/38 (68%) eta pilulak falta 12/38 (31%). Eguerdiko dosia da gehien hutsegiten dena. Tratamenduarekiko iritzia: oso onuragarria (20%), onura- garria (52%), onura gutxikoa (0) eta ezezaguna (28%).

Ondorioak

Gaixoen arabera, tratamendu antirretrobirala orokorrean ondo betetzen dute, nahiz eta dosietan zehatzak ez izan.
Tratamendua betetzean ez dago ezberdintasunik farmako bi edo hiru hartzen badira.
Agindua betetzea ondo neurtzeko, gaixoen iritziaz gain, beste parametro batzuk erabili bebar ditugu.

Azken Berriak

Karlos Ibarguren eta Miren Altuna: Euskara: ukendua zauriarentzat

Berria egunkarian Miren Altuna eta Karlos Ibarguren medikuak elkarrizketatu ditu, euskarak osasun zerbitzuetan duen garrantzia hobeto ezagutzeko Elkarrizketa osoa: Euskara ukendua zauriarentzat ALTUNA: Egoiliarra nintzen Iruñean...

Jon Zarate Sesma: «Lehentasuna da babesa ematea beren lana euskaraz egingo duten osasun profesional horiei"

EHEk eta EHUk lan bat egin dute elkarrekin, osasun profesionalak eta euskal pazienteen arteko harremanei buruz gogoeta egiteko. «Euskaraz artatu nautenetan, eskertu egin dut, eta konfiantza handiagoko eremu batean sentitu dut neure burua»....

Berri +