08. Osasun Jardunaldiak: Neurozientziak
5.2 Entzumen-nerbioaren kalte akutua esklerosis anizkoitzean
Egileak: I.G. Gurtubay , M.O. Aretxaga
0
Sarrera
Esklerosis anizkoitz batean azaltzen den hipoakusia monosintomatiko bezala %3- 5ean bakarrik agertzen da. Entzumenaren kaltea aldiz, beste zeinu klinikoez lagunduta, maiz aurkitzen da, bai gaixotasun honen agerpenean baita erasoaldietan ere, gehienetan beste desmielinizazio zeinu eta sintomengatik ezkutuan gelditzen delarik.
Emaitzak
32 urteko emakume batek, bat-batean agerturiko eskuin aldeko hipoakusia neurosentsoriala nabaritu zuen aurretik zeukan esklerosi anizkoitzaren erasoaldi berri batengatik. Egindako entzumen ikerketak, baita garun enborraren entzumen potentzialak (PEAT), VIII. nerbioaren alde periferikoan kaltea aurkezten zuten. Aldaketa kliniko eta neurofisiologikoak, esteroidez tratamendua hasi eta 10 egunera desagertu ziren.
Ondorioak
Esklerosi anizkoitzean entzumenaren kaltea, ikusten den baino sarriagotan gertatzen da, bai subklinikoa delako edo beste sintomez ezkutua gelditzen denez entzumen funtzioaren ikerketak egiten ez direlako.
Esklerosi anizkoitzaren hipoakusia entzumen bidearen lesio batengatik gertatzen da, gehienetan bizkarrezur-erraboilan edo nukleo koklearrean, baina gure kasuan bezala, entzumen nerbio periferikoaren kalte desmielinizatzaile azkarragatik gerta daiteke.
Azken Berriak
Euskararen pizkunde akademikoa: euskarak unibertsitatea behar du, eta unibertsitateak euskara
Udako ikastaroak 2026 EHU: "Osasuna eta hizkuntza XIX: Euskara, adimen artifiziala eta osasuna"
