Osasungoa euskalduntzeko erakundea

08. Osasun Jardunaldiak: Neurozientziak

5.4 B-Monoamino oxidasa entzima eta I2-hartzaile imidazolinikoak alkoholikoen postmor¬tem garunean

Egileak: A. Maeztu , J. Ballesteros , L.F. Callado , M. Gutierrez , A.M. Gabilondo , J.J. Meana

Sarrera

Alkoholismoan, B-monoaminooxidasa (B-MAO) entzimaren aktibitatearen aldakuntzak deskribatu dira plaketetan. B-MAO entzima, I₂-hartzaile imidazolinikoekin erlazionatuta dagoela dirudi.

Helburuak

Ikerketa honen helburuak, I₂-hartzaile imidazolinikoen dentsitatea alkoholiko (n= 23) eta kontrolen (n= 26) garuneko azal frontalean zenbatzea eta hartzaile horien B-MAO entzimaren gune aktiboarekiko elkarrekintza aztertzea izan ziren.

Metodoak

Giza garuneko laginak autopsietan lortu ziren eta esperimentuaren eguneraino 70°C-ko tenperaturan gorde ziren. I₂-hartzaile imidazolinikoen dentsitatea, [³H]idazoxan (0.25-32 nM; 20 µM efaroxanaren aurrean) eta [³H]-2-BFI (0.25-32 nM) erradioligandoen finkapen espezifikoaren bidez neurtu zen. Beste aldetik, B-MAO entzimaren gune aktiboak [³H]Rol9-6327 (8 nM) erradioligandoaren finkapen espezifikoaren bidez zenbatu zen.

Emaitzak

[³H]idazoxanaren bidez zenbatutako I₂-hartzaile imidazolinikoen dentsitatean ez zen aldaketarik agertu alkoholiko (Bmax= 106±23 fmol/mg proteina) eta kontrolen (Bmax= 88± 18 fmol/mg proteina) artean. [³H]-2-BFI erabiltzean, dentsitatea altuago izan zen [³H]idazoxanez neurtutakoarekin konparatuz, baina honakoan ere desberdintasun esanguratsurik gabe alkoholiko (Bmax= 199±20 fmol/mg proteina) eta kontrolen (Bmax= 192±29 fmol/mg proteina) artean. Bi erradioligandoen afinitateko balioak (Kd 13-20 nM bitartean kokaturik) ere ez ziren desberdinak bi taldeen artean.

B-MAO entzimaren gune aktiboen dentsitateari dagokionean ere, ez zen desberdintasunik aurkitu alkoholiko (Bmax= 1263± 131 fmol/mg proteina) eta kontrolen (Bmax= 1131 ±96 fmol/mg proteina) artean. B-MAO entzimaren gune aktiboen dentsitateak koerlazioa azaldu zuen [³H]idazoxanaz neurturiko I₂-hartzaile imidazolinikoen dentsitatearekin (r= 0.397, p= 0.012, n= 49), baina ez [³H]-2-BFIz neurturikoarekin (r= 0.14, p= 0.396, n= 49).

Ondorioak

Emaitza hauek, I₂-hartzaile imidazolinikoek eta B-MAO entzimaren gune aktiboek alkoholikoen garunean ez dutela aldaketarik jasotzen adierazten dute. Horretaz gain, [³H]idazoxan eta [³H]-2-BFI erradioligandoen bidez identifikatutako I₂-hartzaile imidazolinikoen artean zenbait desberdintasun farmakologiko dagoela aditzera ematen dute.

Bibliografia

FIS (95/1731 y 97/1188), Eusko Jaurlaritza (PI 93/75 eta Osasun-Saila) eta EHUk finantzatuta. A.M. eta L.F.C. Eusko Jaurlaritzako bekadunak dira.

Azken Berriak

EHUren udako ikastaroa osasunaz: Narratiba eta osasuna: Nola sortu osasuna eraikitzen duten istorioak?

Ekainaren 23an eta 24an ikastaro hau eskainiko da. Narratibaren indarra ezagutu, praktika klinikoa zein osasun publikoa eraldatzeko, eta zaintzen dutenen eta zaintzak jasotzen dituztenen arteko harremana sakontzeko. Azalpena Uda Ikastaro honek o...

UEUk udako ikastaroak aurkeztu ditu

Udako Euskal Unibertsitateak 2026ko ikastaroen eskaintza zabaldu du: Euskararen balio ofizial akademikoaren erronka unibertsitatean. (Hasiera Ekitaldia). (Bilbo, ekainak 11) Haur eta Nerabeen Osasun Globala: diziplinarteko begirada bi...

Berri +