Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

08. Osasun Jardunaldiak: Neurozientziak

5.5 Peptidasa zitosolikoen funtzioa garunaren garapenean

Egileak: J.M. Gandarias , A. Irazusta , N. Saitua , J. Irazusta , D. Artola , L. Casis

0


Sarrera

Neuropeptidoak garunean funtzio neurotransmisorea edota neuromoduladorea duten molekulak dira. Bere funtzioa, gehienetan, mintz plasmatikoan dauden hartzaileei lotuz egiten dute eta informazioa zelula barrura bigarren mezularien siste­men bidez eramaten dute. Neuropeptidoen jarduera erregulatzeko mintz plasmatikoko hainbat peptidasek peptidoen hidrolisia katalizatzen du.

Garatzen ari den nerbio sistemak ezaugarri bereziak ditu. Adibidez, garatugabeko nerbio sisteman neuropeptidoen ekintza ez da gehienetan sinaptikoki gertatzen baizik eta garapenean molekula hauek, ekintza parakrino edota autokrinoen bidez, hazkuntzaren faktore erregulatzaile gisa eragin dezakete eta molekula hauetarako mintz-hartzaile asko barnezelularrak dira. Aminopeptidasek n-muturretik neuro­peptidoak hidrolizatu eta hauen ekintza amaitzen dute. Entzima hauen artean zen- baitek gune sinaptikoan ekintza dute eta peptidoak zelulatik askatu ondoren apurtzen dituzte. Aldiz, beste batzuk zelula barneko organuluetan eta zitosolean kokaturik daude.

Helburuak

Lan honen helburua da zelula barneko eta kanpoko aminopeptidasek garunaren garapenean duten ekintza jakitea.

Metodoak

Ikerketa egiteko adin ezberdinetako arratoiak hartu ditugu (jaiotzaren aurreko egunetik hiru hilabetetara). Arratoiak anestesiatu ondoren, garuna atera eta homogenizatzen zen. Homogenizatuari zentrifugazio selektiboak egiten genizkion, horrela zatiki azpizelular ezberdinak ateraz. Zatikiak ondorengoak ziren: sinaptosomikoa (amaiera sinaptikoez osatutako egitura), mitokondriala, mikrosomala, zitosolikoa, nuklearra eta mielinikoa. Aktibitate aminopeptidasikoa substratu fluorogenikoak erabiliz neurtu zen. Hain zuzen ere TRH apurtzen duen aminopeptidasa piroglutamato-β-naftilamida erabiliz eta entzefalina apurtzen duen aminopeptidasa tirosina- β-naftilamida erabiliz.

Emaitzak

Ikerketa hauek erakutsi dute zelula barneko aminopeptidasen aldaketa dagoela bizitzaren lehen 15 egunetan, hau da, garunean dendriten eta axoien garapena gertatzen denean. Zatiki zelular bakoitzean garapena aldagarria da. Zelulaz kanpoko aminopeptidasetan ez da aldaketarik gertatzen. Emaitza hauek iradokitzen digute zelula barneko peptidasek garunaren garapenaren erregulazioan parte hartu dezaketela.

 

Azken Berriak

Osakidetzan euskaldunak identifikatuta: arta euskaraz bermatzeko bidean pauso bat?
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela...
Hitzez hitz, etorkizuna berreraiki
Euskaraldia datorren hilabetean izango da eta Debabarreneko Osakidetzako osasun-zentro eta ospitaleetan ekintza ugari antolatu dituzte Debabarreneko ESIko Euskara Batzordeko boluntarioek. Langileak izen-ematera animatzeko, adibidez, soilik ESI...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan