Helburuak

HELBURUA

-   Ebidentzia zientifikoan oinarritutako praktika klinikoaren kontzeptua eta metodologia ezagutu

-   Kasu praktiko batean ikasitakoa aplikatu, ebidentzia zientifikoan oinarrituta.

Metodoak

METODOA

-      Erizaintzan izandako arazo konkretu baten identifikazioa: "Aposituaren aldaketa interbentzioaren ondorengo 24-48 orduetan".

-      Galdera: Eraginkorra da zauri kirurgiko garbiak (I. eredua) eta garbi-kutsatuak (II. eredua) dituzten pazienteei apositua jartzea interbentzioaren ondorengo 24-48 orduetan?.

-      Helburua: Ebidentzia zientifikoaren azterketa sistematikoa egin "Aposituak zauri kirurgiko garbietan (I. eredua) eta garbi-kutsatuetan (II. eredua) interbentzioaren ondorengo 24-48 orduetatik aurrera duen eraginkortasuna" ezagutzeko.

-      Ebidentziarik onenaren bila:

o   Egin beharreko azterketetarako irizpideak honako lau puntu hauek kontuan izanda: diseinua, baldintza klinikoak, interbentzioak, emaitzak.

o   Azterketak baztertzeko irizpideak: bularreko haurrak eta zauri kirurgikoak III. eta IV. ereduak.

o   Kontsultatutako datu baseak: Medline, Cochrane, Cuiden, Cinhal, Best evidence.

o   Bilaketa erraztu duten hitz gakoak: Postoperative care, Surgical wound, Surgical procedures, asepsis, Dressing, Herida quirúrgica eta Apósito.

o   Ezarritako mugak: Hizkuntza: ingelesa, gaztelania, frantsesa. Bilaketa aldia: 1982-1999.

-   Balorazio kritikoa. Irizpide bateratuen arabera aukeratutako artikuluen balorazio kritikoa. Erreferentzia moduan irakurketa kritikoko taulak ditugu.

Emaitzak

EMAITZAK

-   Irakurketa kritikoaren emaitzak erreferentzia moduan hartuta zera ikusten da, egindako azterketak kalitate txikikoak direla. Beraz, badirudi ez dagoela kalitate handiko ebidentziarik aipatutako zauri kirurgikoetan aposituen erabilera gomendatu edo baztertzeko.

-   Gaixotasunen prebentzio eta kontrol erako zentroak (CDC ) kontsultatu eta gero ere, l999ko apirilean, gai hau ez dago argi, honako hau esaten baitu: "Ezin da gomendatu interbentzio ondoko 48 orduetatik aurrera lehenengo interbentzioz ixten den zauri bat estali behar ote den".

Ondorioak

ONDORIOAK

-   Beste saiakera kliniko batzuk egitea gomendatzen da, beti ere metodologia zorrotza jarraituta.

-   Pazientearen zainketaren gaineko erabakiek oinarri zientifikoa izan dezaten, beharrezko da erizaintzako profesionalen artean irakurketa kritiko zein ikerketarako bideak sustatzea.

-   Hala ere, ez da ahaztu behar, sarri ebidentziarik onenak eta argienak esperientzia-irizpide profesionala eta pazientearen nahia eta baloreak direla.