10. Osasun Jardunaldiak: Osasuna denontzat 2000. urtean
GIBaren DATUAK NAFARROAN, 1985etik 1998ko ABENDURA ARTE
Egileak: C. MORENO , J. ABAD , N. ALVAREZ , E. EXTRAMIANA
Osasun Publikoaren Institutua. Osasunbidea. Iruña
Sarrera
1985etik 1998ko abendura arte, GIBa kontrolatzeko Nafarroako sistemak GIBak kutsatutako 2.334 pertsona erregistratu zituen. Urteko kasuen kopuruak bi gailur erakusten ditu: bata 1987an (249 kasu) eta bestea l991n (230 kasu). 1993. urtetik aurrera urteko kasuen beherakada etengabea nabari da: 168, 144, 138, 95, 87 eta 59 kasu hurrenez hurren 1998ra bitarte.
Metodoak
GIBa kontrolatzeko Europako sistemak 1998an jakinarazitako milioi bat biztanleko infekzio tasak argitara eman ditu. 1. irudian daude jasota. Europako mendebaldeko herrietan, zifren gorabeherak muga hauen barnean dabiltza: 16 (Finlandia) eta 90 (Suitza). Nafarroako intzidentzia, berriz, beste hau izan zen: 112 kasu milioi bat biztanleko. Infekzio datuak HIES kasu "berriagoei" buruzkoak diren heinean, erakusten digute Nafarroan birusaren infekzioa ez dela jaisten ari gure inguruko herri gehienetan adina.
Ondorioak
Diagnostikatutako kasuetan somatzen da garbi ari dela jaisten infektatuen kopurua bide parenteraletik drogak hartzen dituztenen artean. Sexu bidez kutsatutakoen kasuak, berriz, ez dira hain garbiak, izan ere, "kutsabide ezezaguna" kategorian sartutako kasuen portzentaia altu samarra da azken urteetan, eta horrek joera alde batera edo bestera makurraraz dezake.
Azken Berriak
Karlos Ibarguren eta Miren Altuna: Euskara: ukendua zauriarentzat
Jon Zarate Sesma: «Lehentasuna da babesa ematea beren lana euskaraz egingo duten osasun profesional horiei"
