Sarrera

Gaixo terminalaren tratamendu eta zainketa orokorrean, askotan traumatologoak laguntza estimagarria eskaini dezake.

Hezur-jatorrizko minbiziaren tratamendua kontuan hartu gabe ere, metastasiak ahuldutako hezurretan hainbat fraktura patologiko konpontzen eta mina eta egonezina arintzen traumatologoak betebehar garrantzitsua du. Gainera profilaktikoki denbora gutxi barru hautsiko den hezurra indartzeak edo aurrez konpontzeak ere garrantzia du gaixo terminalaren zainketa aringarrietan.

Gai interesgarri hauei buruz ikuspegi orokor bat azaldu nahi nuke. Hezurretara metastasiak bidaltzen dituzten minbizi ezagunenen eta haustura patologiko desberdinen konponketa-moduen azalpen labur bat eskainiko nuke. Horrez gainera, denbora gutxi barru hauts daitezkeen hezurren aurre-konponketa profilaktikoaren indikazioak aztertuko nituzke.

Hau guztia gaur egun gai honi buruz dagoen literatura eta pentsaera errepasatuz eta azalduz egin nahi nuke.