16. Osasun Jardunaldiak: Gaixotasun Kardiobaskularrak
BIHOTZEKO GUTXIEGITASUNAREN KOSTU OSPITALARIOA ETA BERE KASUISTIKA EUSKAL AUTONOMIA ERKIDEGOAN 2004KO URTEAN
Egileak: I De Pablos Vaca, R Mtz de Morentín Rebolé, J Pinto Urizar, JM Silva Bau, AI Vitórica Leoz
Osasun Finantziazio eta Kontratazioko Zuzendaritza. Osasun Saila
Sarrera
SARRERA Bihotzeko gutxiegitasuna da heriotza gehien eragiten duen hirugarren kausa, infartuen eta iktusen atzetik. Bere prebalentzia gero eta handiagoa da, eta hori azaltzeko faktore asko daude: populazioaren zahartzaroaren luzapena, miokardio-infartua izan duten pertsonen bizi-iraupenaren igoera, hipertentsiodunen igoera (kontuan izan dezagun infartua eta hipertentsioa direla bihotz-gutxiegitasunaren lehenengo bi arrazoi nagusiak) eta tratamenduetan lortutako aurrerapenak. Ospitaleko jarduera aztertuz gero, bihotz-gutxiegitasunaren eragina hobeto ezagutu daiteke, bai aktibitateari, kostuari eta berriro ingresatzeko beharrizanari dagokienez.Helburuak
HELBURUAK - Bihotzeko gutxiegitasunari dagozkion aldagai nagusien ikerketa deskriptiboa egitea. - Bere kostua aztertzea. Lan-hipotesi batzuen artean, bihotzeko gaixotasunak jarduera asistentzialean eta gastuan duen eragina aztertuko da.Metodoak
METODOAK 2004an Osakidetzako ospitaleen jarduera asistentziala eta kostuak erabili dira. Datuak Kliniker eta Explo-GRD programen bidez lortu ditugu.Emaitzak
EMAITZAK 1) % 79 kasu baino gehiago, 70 urtetik gorako pertsonak dira. 2) 2004an 3.662 paziente ingresatu dira bihotz-gutxiegitasuna dela-eta. Berringresuen tasa nabaria da (1,19 alta paziente bakoitzeko) eta horren ondorioz 4.736 alta izan ditugu gure ospitaleetan. 3) Gaixotasun horrek alta guztien % 2 eta kostuen % 2,4 adierazten ditu. 4) "Zirkulazio-aparatuko gaixotasunak eta trastornoen kategoria" delakoa hartzen badugu diagnostiko nagusitzat, portzentajea igo egiten da; hain zuzen alten % 18,2 eta kostuaren % 33,7. 5) % 95 kasu baino gehiago, bi diagnostiko-talde erlazionatutan (DTE edo GRD deituetan) kokatzen dira: a) bihotz-gutxiegitasuna eta shocka biltzen dituen 127 zk.ko taldea eta b) bihotzeko gutxiegitasun kongestiboa eta bihotzeko arritmia biltzen dituen 544 zk.ko taldea, konplikazio eta komorbilitate nagusiarekin.Ondorioak
ONDORIOAK Zahartzaroa luzatuko den heinean, bihotzeko gaixotasunak garatuko dituzten pertsonak ere gehiago izango dira; eta pazienteak egoki artatzeko beharko diren baliabideak ere bai.Azken Berriak
Karlos Ibarguren eta Miren Altuna: Euskara: ukendua zauriarentzat
Berria egunkarian Miren Altuna eta Karlos Ibarguren medikuak elkarrizketatu ditu, euskarak osasun zerbitzuetan duen garrantzia hobeto ezagutzeko
Elkarrizketa osoa: Euskara ukendua zauriarentzat
ALTUNA: Egoiliarra nintzen Iruñean...
Jon Zarate Sesma: «Lehentasuna da babesa ematea beren lana euskaraz egingo duten osasun profesional horiei"
EHEk eta EHUk lan bat egin dute elkarrekin, osasun profesionalak eta euskal pazienteen arteko harremanei buruz gogoeta egiteko.
«Euskaraz artatu nautenetan, eskertu egin dut, eta konfiantza handiagoko eremu batean sentitu dut neure burua»....
