16. Osasun Jardunaldiak: Gaixotasun Kardiobaskularrak
PNB-BALIOEN ETA ETIOLOGIAREN ARTEKO HARREMANA, EZKER-BENTRIKULUAREN DISFUNTZIO SISTOLIKO LARRIAN
Egileak: P Aierbe , N Murga , M Martínez , P Grande , G Bastos , R García , L Ruiz , J Arzubiaga
Basurtuko Ospitalea, Kardiologia Zerbitzua
Sarrera
SARRERA Peptido natriuretikoak bihotzak zirkulaziora askatzen dituen hormonak dira, horma-tentsioaren gorakadari erantzunez, eta hodi-zabalkuntza, natriuresia eta diuresia eragiten dituzte. Gainera, hipertrofiaren zein gutxiegitasunaren adierazleak dira. Gizakian hiru peptido nautriuretiko identifikatu dira: PNA (eskuin-aurikulakoa), PNB (ezker-bentrikulukoa) eta PNC (hodietakoa). PNA eta PNBren maila zirkulatzaileak nabarmen areagotzen dira bihotz-gutxiegitasunean.Helburuak
HELBURUAK Argitzea ea PNBren maila altuek zerikusia duten ala ez bihotz-gutxiegitasunaren zergatiarekin (miokardiopatia iskemikoa nahiz dilatatua). Horretarako, kontsultara etortzen direnean funtzio-egoera egonkorra (I-II/IV, NYHAren arabera, New York Heart Association) baina ezker-bentrikuluaren (EB) disfuntzio larria agertzen duten gaixoengan, PNB balioak zehaztu eta beraien kardiopatiaren etiologiarekin harremanik daukaten baloratzea. Eta, beste aldetik, jakin altuak agertzen diren kongestiorik ez daukaten gaixoengan.Metodoak
METODOA EBren disfuntzio larria duten 80 gaixo ikertu ditugu, ekokardiografiaren bidez ejekzio-zatikia % 35 baino gutxiago dutenak, denak erritmo sinusalean eta giltzurrun-funtzio normalarekin. PNB-balioak aztertu ditugu, analisi estatistikoaren bitartez, kardiopatiaren etiologiarekin zerikusia daukaten jakiteko asmotan.Emaitzak
EMAITZAK Azken analisi estatistikoaren zain, PNB-balio gehienek balio normalen tasa bikoiztu egiten dute gaixoen % 90ean. Eta gaixoen % 10ek PNB-balio normalen tasa 5 aldiz ere biderkatzen dute.Ondorioak
ONDORIOAK Gure ikerketaren arabera, PNB-balioak nabarmen areagotzen dira gaixo gehienetan, eta ez dute inolako harremanik ez funtzio-egoerarekin, ezta kardiopatiaren arrazoiarekin ere.Azken Berriak
Pizkundea: abenduaren 27an denok Bilbora
Euskararen Kontseiluak bilkura handi bat egitera deitu du abenduaren 27an.
Euskaltzaleon indar eta batasunaren erakustaldi bat egiteko
Euskarak eta euskal hiztun komunitateak bizi dugun larrialdi linguistikoaren aurrean, zain gelditu baino, ...
Iñaki Peña: “Heriotza eta dolua: bizitzaren islak”
Osatuberri aldizkarian Iñaki Peñari elkarrizketa egin diote, heriotza eta doluaren gainean:
"Heriotza bizitzaren parte saihestezina da, baina gizarte modernoan sarritan baztertu eta ezkutatu egiten da. Beldurrak, tabu sozialek eta ...
