16. Osasun Jardunaldiak: Gaixotasun Kardiobaskularrak
KIRURGIA ORTOPEDIKOARI ATXIKITAKO HERIOTZA-TASA. 1.012 GAIXOREN ANALISI PROSPEKTIBOA
Egileak: I Otermin Maia, A Pereda Garcia, M Rivero Marcotegui, M Cia Lecumberri, C Bacaicoa Saralegui*
Ubarmin Klinika. Barne Medikuntzako Zerbitzua eta *Erradiología Zerbitzua. Osasunbidea
Sarrera
Sarrera Aldaka eta belauneko protesiak eta bizkarrezurreko finkapenerako ebakuntzak ugariak izaten dira, gaur egun, zahartzaroan. Traumatología eta Ortopediako Klinika monografiko batean, operatu eta bi urtez jarraituak izan diren gaixoen seriea aurkeztu nahi dugu.Helburuak
Helburuak Heriotza-tasa orokorra eta kirurgiari atxikitako heriotza-tasa ezagutzea, profilaxi tronboenboliko estandarizatua egiten den fasean.Metodoak
Metodoak 24 hilabetean zehar 1.012 gaixori egindako ikerketa aurkezten dugu. Kasu guztietan egina zegoen profilaxi tronboenbolikoa pixu molekular baxuko heparinarekin (PMGH): 12 ordu ebakuntza aurretik (bezperan) hasiz eta 35 egun pasa arte protesietan eta 10 egun etxeratu eta gero bizkarrezurreko artrodesietan. Ikerketa kontsulta programatuetan, historia klinikoetan eta, beharrezkoa zenean, telefonoz egina dago, dena gure Klinikan.Emaitzak
Emaitzak Batez besteko adina: 68. APO: Aldakako protesi osoa: 418 / 256 G-162 E : 66 urte. BPO: Belauneko protesi osoa: 465 / 156 G- 309 E : 71 urte. APOA: Aldakako protesi osoaren aldaketa: 34 / 17 G- 17 E : 71 urte. BEPOA: Belauneko protesi osoaren aldaketa: 21 / 8 G- 13 E : 69 urte. BA: Bizkarrezurreko artrodesia: 74 / 35 G- 39 E :54 urte. HERIOTZA-TASA OROKORRA: 25 (% 2,47) KIRURGIARI ATXIKITAKO HERIOTZA-TASA: 4 (% 0,40) - Bat-bateko heriotza: 3 (Biriketako tronboenbolismoarekin (BTE) bateragarriak) (% 0,30). Kasu guztiak, alta jaso eta gero. - Arritmia bentrikularra: 1 (kirofanoan, bizkarrezurreko artrodesian) (% 0,10). Kirurgiarekin zerikusirik ez duen heriotza-tasa: 19 (% 1,9). Bat-bateko heriotza berantiarra: 2 (% 0,20). Konplikazioak: -Bihotzekoak: 21 (% 2):3 angor, 11 arritmia, 8 bihotz-intsufizientzia, 1 BA -Gaixotasun tronboenbolikoak: 9 (% 0,89): BTE: 5 (% 0,5):1APO, 4 BPO ZTS: 4 (% 0,4):2 APO, 2 BPOOndorioak
Ondorioak Nahiz eta gaixotasun tronboenbolikoetako profilaxi-neurriak, sistematikoki, jarraitu (mobilizazio goiztiarra, pisu molekular baxuko heparina eta zaintza eraginkorra), oraindik ere kirurgiari atxikitako heriotza-tasak maiztasun erlatibo garrantzitsua mantentzen du, gaixotasun tronboenbolikoekin elkartuta batez ere, gutxienez 3 kasu 1.012 gaixorengan, hau da: % 0,30. Gure ikerketan, ingresatuta zeuden bitartean, zainetako tronbosi sakonaren (ZTS) susmo guztiei eko-doppler bat egiten zitzaien, aurkitutako gaixotasun tronboenbolikoaren kasuei, antikoagulazio-tratamendua aplikatuz. Hori egin eta gero ez dugu inolako konplikaziorik ikusi. Gaixotasun tronboenbolikoak gutxitzeko beste pauta batzuk bilatu eta erantsi beharko genituzke, hain zuzen episodio tronbotiko asintomatikoak garaiz ezagutzeko miaketa osagarriak.Azken Berriak
Osakidetzan euskaldunak identifikatuta: arta euskaraz bermatzeko bidean pauso bat?
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela...
Hitzez hitz, etorkizuna berreraiki
Euskaraldia datorren hilabetean izango da eta Debabarreneko Osakidetzako osasun-zentro eta ospitaleetan ekintza ugari antolatu dituzte Debabarreneko ESIko Euskara Batzordeko boluntarioek. Langileak izen-ematera animatzeko, adibidez, soilik ESI...
