Helburuak

HELBURUAK Gure sailaren aldagaiak deskribatzea (ezaugarri klinikoak, jatorria, hezurduran dituen kokaguneak, konplikazioak, familian izandako beste kasuak, etab.).

Metodoak

MATERIALAK ETA METODOAK Basurtuko Ospitaleko Erreumatologia zerbitzuan Paget gaixotasuna diagnostikatu zitzaien 108 pazientek osatutako sailaren ikerlana adierazten da, hauen adin-tartea 47 eta 92 urtekoa izanik. 2000. urteko urtarriletik 2006.eko urrira arteko epealdia hartu zen kontuan.

Emaitzak

EMAITZAK % 64,8 gizonezkoak ziren. Batez besteko adina 67,4 urtekoa (muga 47-92 izanda). Kasuen % 78,8a poliostotikoa izan zen. Kasuen % 81ean lehendabiziko sintoma hezurretako mina izan zen. Jatorri geografikoaren arabera: Gaztela eta Leongo % 54, Euskadiko % 17,2 eta Galiziako % 6,4. Hezurduran gaixotasunak maizago kaltea sortzen zuen kokagunea pelbisa izan zen (% 73,4), burezurra izanik kaltetzen zen bigarren gune sarriena (% 9,6), eta maiztasun gutxiagorekin gerrialdeko bizkarrezurra, erreinezurra, toraxeko bizkarrezurra, femurra, tibia eta humeroa. Arrisku gehien duten kokaguneak honako hauek izan ziren: burezurra (% 9,6), dortsala (% 4,6), humeroa (% 12,9) eta orno lunbarrak (% 4,3). Konplikazio erlazionatuak: gorreria, % 59,4; bihotzeko arazoak, % 20,5; hausturak, % 16,2; hezurren itxuragabetasuna, % 11,8; koxartrosia, % 7,5; minbizia, % 9,7 eta adenoma baten ondorioz sorturiko hiperparatiroidismoa, %3,2. Degenerazio gaiztorik ez zen ikusi. Senideen artean aurrekariak % 9,7 kasutan behatu ziren. Paziente bakar batean hezur biopsia egiteko beharra izan genuen.

Ondorioak

ONDORIOAK Gure serieko pazienteen jatorria kontuan hartuta, batez ere Gaztela eta Leongoak, Euskadikoak eta Galiziakoak zirela sumatu genuen. Arrisku altuko kokaguneetan erasan esanguratsua egon zen (burezurra, errakisa, humeroa). Degenerazio gaiztorik ez genuen aurkitu. Beste serieekin alderatzean, ez zen diferentziarik aurkitu.