18. Osasun Jardunaldiak: Infekzioak
5.22. Hesteetako infekzio larria hies-aren agerpen modura
Egileak: Elena Zubillaga Azpirotz, Jose Maria Senosiain Gascue, Josemari Arrinda Yeregui, Jose Ignazio Berasategi Calderon, Jorge Mendia Minchero
Donostiako Ospitalea; Bidasoa Ospitalea
Sarrera
SARRERA HIESak aurkezteko modu desberdinak ditu. Zitomegalobirusak (CMV-ZMB) eragindako kolitisa era ohikoena ez bada ere, agerpen modu bat da.
Helburuak
HELBURUAK Zitomegalobirusak eragindako kolitisa HIESAren agerkaritzat izandako kasua eta jarritako tratamenduarekin gaixoak izandako bilakaera azaltzea.
Metodoak
METODOAK Ospitaleko artxiboetatik ateratako datuak. Gaixoaren historia klinikoan 1998 urtean Barne Medikuntzako zerbitzuan izandako ospitaleratzea aztertu genuen.
Emaitzak
EMAITZAK Kasua: 60 urtetako gizona, aurrekaririk eta ohitura toxikorik gabekoa eta berak esanda ez homosexuala edo bisexuala. Ospitaleratzeko arrazoia: Urte bateko luzapena duen odol, muki eta zornerik gabeko diarrea, astenia eta pisu galtzea (25 kilo bi urtetan). Explorazio orokorra: Febrikula, tentsio baxua, kakexia, beste guztia normala. Adenopatiarik ez. Analisia: Biokimika eta gibeleko entzimak normalak,4800 leukozito (20 linfozito CD4, 520 linfozito CD8). ZMBaren antigenemia positiboa. Elisa eta Western-Blot serologia probak HIVrentzako positiboak. Koprokultiboa: Negatiboa. Esofagogastroskopia: Ultzera urdailean. Kolonoskopia: errektotik erdizkako heste lodiraino ultzerak. Bi endoskopien biopsietan: Zitomegalobirusa ageri zen. Sabeleko TAC proban: 2 adenopatia txiki eta heste lodiko pareta orokorki loditua. Begien azterketa oftalmoskopikoa: normala. Diagnosia: Zitomegalobiriasia urdaila eta heste lodiaren kaltearekin, HIESA. Tratamendua: Ganziklobirra zainetatik. Bilakaera: Bi hilabetetara antiretrobiralekin hasi zen. Sei hilabetetara ZMBak eragindako erretinitisa. Hiru urtera, gibeleko ezintasunarengatik hil zen.
Ondorioak
ONDORIOAK 1- Nahiz eta aurrekari ezagunik ez izan, denboran zehar mantentzen den diarrearen aurrean, susmatu immunoeskasiaren bat. 2- HIESA diagnosiarekin, susmatu Kolitis iraunkorraren atzean, ZMBa egon daitekeela. 3- Maizena ez bada ere, ZMBak eragindako kolitisa izan daiteke HIESaren aurkezteko modua. 4- ZMBak eragindako kolitisak antigenemia negatiboa izan dezake, diagnosirako kolonoskopia biopsiarekin beharrezkoa delarik 5- Erretinopatia, ZMBak eragindako konplikazio posiblea da eta gaixoak ez izatea ziurtatu behar da, proben bidez. 6-Tratamendua Ganziklobirrekin luzea da.
Azken Berriak
Euskara zu zara
Aitor Montes (familia-medikua): "Ur txikitan adimen urriak"
