18. Osasun Jardunaldiak: Infekzioak
5.34. Laparoskopiaren erabilera pelbiseko gaixotasun inflamatorioaren tratamenduan
Egileak: Jon Iker Aranbarri Beldarrain, Gemma Garay Rubio, Eva Beiro Felipe, Iñaki Brouard Urkiaga
Basurtuko Ospitalea - Obstetrizia eta Ginekologia Zerbitzua
Sarrera
SARRERA Gaixotasun Inflamatorio Pelbikoa (ingelesez Upper Female Genital Tract Infection edo UFGTI) emakumeen ugal organuetan (umetokia eta tronpak) eragina duten prozesu kutsakor inflamatorioen taldekoa da, denak ezaugarri epidemiologiko bereizgarriekin, eta epe luzeko ondorio garrantzitsuen sortarazlea, emakumearen ernaltasuna kolokan jarri arte. Gaixotasun kutsakorrak izanik, tratamendurako lehen hurbilketa baliabide farmakologikoekin izan ohi da beti; kirurgia terapia antibiotikoak hutsegitean edota soilik berarekin aski izaten ez den kasuetarako, 2. lerroko aukera bezala dugu. Kirurgia motaren eta erradikaltasunaren erabakia gaitzaren zabalkuntzaren arabera hartzen da. 2 sarbide ditugu, irekia eta laparoskopikoa; gaur egun, hautazkoa eta erabiliena laparoskopikoa da.
Helburuak
KOMUNIKAZIOAREN HELBURUA GIParen gaiari buruzko berrikusketa, batez ere arlo diagnostiko zein terapeutikoan teknika laparoskopikoak erakusten dituen erabilerak zein onurak azpimarratuz. Gaitzaren ezaugarri klinikoak, afektaturiko anatomiaren araberako sailkapena, baliabide diagnostiko eta tratamendurako irizpideak zein aukerak aurkeztea, batez ere tratamendu kirurgikoen kasuan.
Ondorioak
ONDORIOAK GIParen diagnostikoan laparoskopia da erreferentziazko aukera, konfirmazio zein ezeztapen diagnostikorako “Gold Standard-a”; forma konplikatu zein tratamendu medikoei ez erantzuleetan lehen baliabide diagnostiko gisa adostuta. Kirurgiarako indikazioa dute tratamendu medikoaren hutsak, zein abzesuen konplikazio akutuak. Lesio genitalen tratamenduan ahalik eta gutxieneko kirurgia egitea bilatzen da, laparoskopiagaz. Teknikaren hobekuntzei eta zirujauen ezaguera handitzeari esker arrakasta terapeutiko gehiago lortzen goaz GIParen arloan.
Azken Berriak
Pizkundea: abenduaren 27an denok Bilbora
Iñaki Peña: “Heriotza eta dolua: bizitzaren islak”
